Reseı prezıdenti Vladımır Pýtınniń jańa jyldyq quttyqtaýy qaıta jazylmady. Bul týraly Reseı prezıdentiniń baspasóz hatshysy Dmıtrıı Peskov jarııalady, dep habarlaıdy “Adyrna” ulttyq portaly.
«Joq, bul durys emes», - dedi ol quttyqtaýlar jańadan jazylǵany týraly RIA Novostı basylymyna túsinikteme berip.
Peskov osy aptanyń basynda Pýtınniń jańa jyldyq quttyqtaýynyń egjeı-tegjeılerin aıtýdan bas tartyp, reseılikterdi Jańa jyl qarsańyndaǵy úndeýiniń mazmunyn uǵynýǵa shaqyrdy.
Ótken jyly Pýtınniń el halqyna toǵyz mınýttyq jańa jyldyq úndeýi ádettegideı Kreml fonynda emes, Ońtústik áskerı okrýginiń shtab-páterinde áskerı qyzmetkerlerdiń qorshaýynda jazylǵan. Sol kezde Prezıdent bul jyl elimizdiń tolyq egemendigin alý jolyndaǵy mańyzdy qadamdar, «shynaıy betburys jáne taǵdyrly oqıǵalar» kezeńi ekenin aıtty.
Jeltoqsannyń 14-i kúngi tikeleı efırde Pýtın reseılikterge jańa jyldyq merekelerdi otbasymen birge ótkizýge keńes berdi. Mereke kúnderi kóptegen is-sharalardy tabýǵa bolatynyn, eń bastysy, otbasymen jáne dostarymen ýaqyt ótkizýge bolatynyn atap ótti. Keıin Pýtınniń ózi Jańa jyldy jaqyndarymen birge shampan iship qarsy alatynyn aıtty.
