Májilis 21 jasqa tolmaǵan adamdarǵa energetıkalyq sýsyndardy satýǵa tyıym salatyn zań qabyldady, dep habarlaıdy “Adyrna” ulttyq portaly.
«Energetıkalyq sýsyndar alkogolden de qaýipti bolyp otyr. Qazir on jasar bala da energetıkalyq sýsyndy ońaı satyp ala alady. Osyǵan baılanysty Memleket basshysynyń tapsyrmasyn oryndaý maqsatynda 21 jasqa tolmaǵan adamdarǵa energetıkalyq sýsyndardy satýǵa tyıym salyndy», - dedi depýtat Elnur Beısenbaev sársenbi kúni Májilis otyrysynda.
Jańa ereje Májilistiń ekinshi oqylymynda maquldanǵan «Keıbir zańnamalyq aktilerge oıyn bıznesi, lotereıa jáne lotereıa qyzmeti máseleleri boıynsha ózgerister men tolyqtyrýlar engizý týraly» zańǵa engizildi.
Endi Qazaqstanda lotereıa bıletterin, onyń ishinde elektrondy bıletterdi tek lotereıa operatory men agenti arqyly satýǵa ruqsat etilgen. Olardy satýǵa lotereıa termınaldary, staıonarlyq emes saýda obektileri, poshta operatorynyń poshta baılanysy fılıaldary jáne lotereıa operatorynyń fılıaldary arqyly ruqsat etiledi.
Turǵyn úıler men jataqhanalarda, mádenıet uıymdary ornalasqan jekelegen ǵımarattar men qurylystarda, bilim berý jáne densaýlyq saqtaý uıymdarynda, dinı ǵımarattar men qurylystarda lotereıa bıletterin taratýǵa jáne termınaldar ornatýǵa tyıym salynady.
