Óńirde óndiriletin ekologııalyq taza ónimder elimizde ǵana emes, shetelde de úlken suranysqa ıe. Bul týraly QR Ortalyq kommýnıkaııalar qyzmetinde ótken brıfıngte ShQO ákimi Danıal Ahmetov málim etti. Shyǵys Qazaqstannyń agroónerkásiptik kesheninde negizgi basymdyq mal sharýashylyǵyna berilip otyr. Bul respýblıkadaǵy aýyl sharýashylyǵy kórsetkishiniń 62,3% quraıtynyn atap ótken oryndy. Sondaı-aq bizdiń oblys respýblıka kóleminde bal, panty men kúnbaǵys maıyn óndirý boıynsha 1-oryn, et óndirý boıynsha 2 oryndy ıelenip otyr. Agroónerkásiptik keshende ósimdik sharýashylyǵyn eksporttaýǵa basymdyq berilýde. Eń aldymen, soıany shetelge shyǵarý isi jaqsy jolǵa qoıylǵan. Sarapshylar Qytaı Halyq Respýblıkasyndaǵy naryqta soıanyń tonnasyn 97 mln teńgege (60 mlrd AQSh dollary) baǵalanatynyn aıtyp otyr. Ondaǵy soıanyń óndiris kólemi jetkiliksiz. Al Shyǵys Qazaqstan QHR-men shekaralasyp jatqandyqtan soıany eksporttaýǵa múmkindik alyp otyr. Búginde bizdiń óńirde soıa óndirisiniń kólemin arttyryp, eksportty ulǵaıtý jumystary júrgizilýde. Budan bólek júgerini ósirýge de basa nazar aýdarylýda. 2016 jylǵa deıin Qytaıda júgeri kóp ósirildi. Alaıda 2017 jyldan bastap óndiris kólemi tómendep, 12,4 mln tonnany qurady. Qazirgi kúni Qytaıda júgerige degen ishki suranys artty. Nátıjesinde bizdiń taraptyń ókilderi men qytaılyqtar arasynda alys-beris artty. Jyl saıyn QHR-ǵa 3 mlnǵa jýyq júgeri eksporttalady. Qytaıdyń ishki naryǵyndaǵy suranysty óteý úshin ShQO-da 2020 jyldan bastap 10,2 myń gektar júgeri salynady. Bul 2019 jylǵy kórsetkishpen salystyrǵanda 57 paıyzǵa joǵary. Al 2024 jyly 12,8 myń gektar egiledi (2019 jylǵy kórsetkishpen salystyrǵanda eki esege artady). Osylaısha, júgeriniń jalpy ónim kólemi 32,1 myń tonnany quramaq. - Biz soıa men júgeri kólemin arttyrý maqsatynda arnaıy jospar qurdyq. Soǵan sáıkes 2024 jyly egis alqaby 4,2 esege artady. Nátıjesinde 6,5-ten 13 myń gektarǵa deıingi aýmaqıa ónim egiledi. Nemese 5,5-ten 30 myń tonnaǵa deıin, eksport kólemi 10 esege artady. Al ónim 1,5-ten 15 myń tonnaǵa deıin kóbeıedi. Jalpy soıa men júgeri egý jumystary oblysymyz úshin ǵana emes, respýblıkalyq strategııalyq mańyzy bar ekenin atap ótken oryndy. Aımaqta qunarly jerler men qajetti quraldardyń bári bar, - dedi Danıal Ahmetov.
«Adyrna» ulttyq portaly
