Búgin, 28 qańtar – Táýelsiz Qazaqstannyń tuńǵysh Konstıtýııasy qabyldanǵan kúni, dep habarlaıdy “Adyrna” ulttyq portaly.
1993 jyly qańtardyń 28-de táýelsiz Qazaqstannyń tuńǵysh Konstıtýııasynyń talqylaý jáne qabyldaý jónindegi jumystary aıaqtalǵan bolatyn. Sol kúni Joǵarǵy Keńestegi 312 depýtattyń 309-y Qazaqstannyń tuńǵysh Konstıtýııasyn qabyldaý jónindegi usynysty qoldap, daýys berdi jáne eks-prezıdenti Nursultan Nazarbaevqa tuńǵysh Konstıtýııanyń túpnusqa mátini tabys etilgen edi.
Sol kúni keshkisin táýelsiz Qazaqstannyń tuńǵysh Konstıtýııasynyń qabyldanýyna arnalǵan Joǵarǵy keńestiń saltanatty rásimi ótti. Rásimdi ashqan Joǵarǵy keńes tóraǵasy Serikbolsyn Ábdildın jańa Konstıtýııanyń túpnusqasyn sol kezdegi Qazaqstan prezıdenti Nursultan Nazarbaevqa, Qazaq SSR-iniń 1978 jyly qabyldanǵan Konstıtýııasynyń túpnusqasyn Ortalyq mýzeı basshysyna tapsyrdy. Qańtardyń 28-i Konstıtýııa kúni – memlekettik mereke bolyp belgilendi.
Biraq ýaqyt óte kele tuńǵysh Konstıtýııanyń keıbir tustary naryqtyq qoǵamdaǵy ózgeristerge sáıkes bolmaı shyqqany baıqalyp, eki jyl ótkennen keıin qoldanysta júrgen qazirgi Konstıtýııa qabyldandy. 1995 jylǵy 30-tamyzda jańa Konstıtýııa ómirge kelgennen beri 1993 jylǵy qańtardyń 28-inde qabyldanǵan QR Konstıtýııasynyń mátini memlekettik murajaıda saqtalyp tur.
