ıfrlyq damý, ınnovaııalar jáne aeroǵarysh ónerkásibi mınıstri Jaslan Mádıev Qazaqstan Jýrnalıster Odaǵynan keıin Telegram messendjeriniń negizin qalaýshy Pavel Dýrovty qoldady, dep habarlaıdy “Adyrna” ulttyq portaly.
“Men Pavel Dýrovqa jáne Telegram komandasyna sońǵy oqıǵalarǵa baılanysty qoldaýymdy bildirgim keledi. Senbi kúni Paveldiń franýz bıligimen kontent moderaııasynyń joqtyǵy jáne quqyq qorǵaý organdarymen yntymaqtastyqtan bas tartqany úshin ustalǵany habarlandy” dep jazdy ol Facebook paraqshasynda.
Qazaqstan Respýblıkasy ıfrlyq damý, ınnovaııalar jáne aeroǵarysh ónerkásibi mınıstrliginiń atynan mınıstr Telegram komandasymen ózara árekettesýde oń tájirıbe jınaqtaǵanyn atap ótti.
“QR ıfrlyq damý, ınnovaııalar jáne aeroǵarysh ónerkásibi mınıstrligi atynan Telegram komandasymen ózara árekettesýdiń oń tájirıbesi qalyptasqanyn atap ótkim keledi. Biz derbes derekterdiń taralýyn, esirtki trafıgimen kúres jáne messendjerdegi basqa da zańsyz áreketterdi toqtatý boıynsha máselelerdi birneshe ret sátti ári jedel sheshtik. Telegram komandasy árdaıym azamattardyń qaýipsizdigin qamtamasyz etý úshin yntymaqtastyqqa daıyn, qupııalylyq pen sóz bostandyǵyn qorǵaý qaǵıdattaryna adal bolyp keledi” dep qosty ol.
Sondaı-aq, ol Telegram qosymshasynyń Qazaqstanda tanymal jeli ekenin atap ótti.
“Qazaqstanda Telegram – eń tanymal messendjer, ony 12 mıllıonnan astam adam paıdalanady, bul onyń qoǵamymyz úshin qanshalyqty mańyzdy ekenin kórsetedi. Biz ıfrlyq keńistikte qaýipsizdik pen erkindik arasyndaǵy tepe-teńdikti saqtaýdyń mańyzdylyǵyn túsinemiz jáne Telegram-men konstrýktıvti yntymaqtastyqty jalǵastyrýǵa daıynbyz” dedi Jaslan Mádıev.
Sonymen birge ol Dýrovtyń komandasyna balalardyń damýyna shynaıy qyzyǵýshylyq tanytqany úshin alǵysyn bildirdi.
“Sonymen qatar, Pavel Dýrov Qazaqstanǵa ótken saparynda qazaqstandyq aýyl balalaryna qoldaý kórsetýge baǵyttalǵan «IQanat» jobasynyń qamqorshylarynyń biri bolyp, $365 000 somasyna 12 grant bóldi. Ol tek qarjy bólýmen shektelmeı, oqý proesin zertteýge, balalardy irikteýge, olardyń ómirbaıany men mekteptegi úlgerimin zerdeleýge tikeleı qatysty” dep jazdy Mádıev.
Eske sala keteıik, 24 tamyzda Dýrov Franııanyń Le Býrje áýejaıynda ustalǵan bolatyn.
