Ulttyq ekonomıka mınıstri Álibek Qýantyrov turǵyndarǵa erekshe úndeý jasap, qys kezinde páterdegi tómen temperatýraǵa boı úıretip, "shıraýǵa shaqyrdy" shaqyrdy, dep habarlaıdy "Adyrna" ulttyq portaly.
«20-21 gradýsty quraıtyn qalypty normalarǵa úırený kerek. Qysta bul temperatýrany qalypty dep sanaımyz, sebebi resýrstardy únemdeý qajet. Bizdiń elde adamdar úıdegi joǵary temperatýraǵa ábden úırenip alǵan. Munyń saldary jylý berý jelilerine tym joǵary salmaq túsirip otyr», - dedi Álibek Qýantyrov Parlament palatalarynyń birlesken otyrysynan keıin tilshiler suraǵyna jaýap bere otyryp.
Mınıstrdiń paıymdaýynsha, jylý boıynsha normatıv kórsetkishi - 21 gradýs shamasynda. Turǵyndar qysta 23-25 gradýsqa úırenip qalǵan jáne ony tıisti normaǵa túsirse, halyq shaǵymdana bastaıdy.
Sondaı-aq mınıstr qysta "arqany keńge salyp", terezeni nemese balkondy ashý arqyly úı temperatýrasyn qoldan rettemeýge shaqyrdy.
«Bizge arnaýly qurylǵylardy ornatý kerek, sol kezde turǵyndar páterdegi jylýdy qadaǵalap, energııany únemdeýge nazar aýdara bastaıdy. Jalpy, elimizdegi ınfraqurylymdy jańartý shyǵyndary tek tarıf esebinen ǵana emes, sonymen qatar bıýdjet qarajatyn ıgerý arqyly iske asyrylady. Tarıf deńgeıi adamdarǵa salmaq túsirmeýi kerek. Halyqtyń áleýmettik osal toptaryna ákimdikter arqyly ótemaqy tóleý múmkindigi bar», - dedi mınıstr.
Oraıy kelgende aıta keteıik, Á.Qýantyrov bıyl jylý tarıfteri qanshalyqty qymbattaıtynyn aıtqan bolatyn. Bul rette:
«Tıisti esep-qısapty júrgizý úshin ortasha eseppen 60-70 sharshy metrlik eki bólmeli páterdiń shyǵynyn nazarǵa alamyz. Óńirlerde ortasha chek aıyna 2-4 myń teńgege ósedi. Iaǵnı óńirge baılanysty aıyrmashylyq bolady. Jalpy, jylý energııasyn únemdeý qadamdaryn yntalandyramyz, - degen edi mınıstr.
"Adyrna" ulttyq portaly
