Mäjılıs deputaty, saiasattanuşy Aidos Sarym Ruslan Jaqsylyqovtyŋ qorǧanys ministrı qyzmetınen ketuı qoǧamda tuyndaǧan türlı boljamdarǧa qatysty pıkır bıldırdı. Onyŋ aituynşa, būl otstavka kütpegen jaǧdai emes, prezident Toqaevtyŋ aldyn ala oilastyrylǧan jäne bırneşe ai boiy talqylanǧan şeşımı bolǧan, dep habarlaidy “Adyrna”.
«Būl şeşım deputattar men memlekettık apparat üşın tosyn emes. Jaqsylyqov myrzanyŋ otstavkasy bırneşe aidan berı talqylanyp jürgen taqyryp bolatyn», – dedı Aidos Sarym DW-ge bergen sūhbatynda.
Ol Jaqsylyqovtyŋ qyzmetten ketuıne qatysty äleumettık jelıler men keibır BAQ-ta taraǧan nūsqalardy negızsız dep baǧalap, būl qadamnyŋ eşqandai da tötenşe oqiǧalarmen bailanysty emesın atap öttı.
«Jaqsylyqov Qaŋtar oqiǧasy kezınde ministr bolyp taǧaiyndaldy. Būl armiia men arnaiy qyzmetterdıŋ älsıregen, senımsızdık jailaǧan kezı bolatyn. Prezident Toqaev sol kezde batyl şeşım qabyldap, täjıribesı mol, äskeri ortada bedelı bar generaldy taŋdady. Būl – sol kezdegı jaǧdaiǧa sai dūrys şeşım boldy», – dedı Sarym.
Sondai-aq ol Jaqsylyqovtyŋ ministr retındegı qyzmetıne oŋ baǧa berdı. Onyŋ aituynşa, general-polkovnik Qaruly Küşterdı damytuǧa baǧyttalǧan maŋyzdy zaŋ jobalaryn jüzege asyryp, äskeri infraqūrylymdy küşeitude ülken üles qosty.
«Eger bır künı Qaruly Küşterdıŋ tarihy jazylatyn bolsa, Jaqsylyqov – sol tarihta qalatyn ministr. Ol — institusionaldyq reformalardy jüzege asyrǧan, armiianyŋ bolaşaǧyna negız qalaǧan tūlǧa. Qazırgı parlament şaqyrylymy kezınde äsker men äskeri qyzmetke qatysty bes maŋyzdy zaŋ qabyldandy», – dedı deputat.
Būǧan qosa, Aidos Sarym Ūlybritaniiamen äskeri yntymaqtastyq turaly kelısımge qatysty taraǧan qauesetterdı de joqqa şyǧardy.
«Barlyǧy kelısılgen. Būl kelısımde ondaǧan myŋ ofiser turaly söz bolyp otyrǧan joq. Būl — naqty baǧyttar boiynşa daiyndalatyn jekelegen mamandar. Bıraq keibır körşılerımızdıŋ Batyspen qarym-qatynasqa qatysty şamadan tys sezımtaldyǧyna bailanysty türlı alyp-qaşpa äŋgımeler tarap ketıp jatady», – dep tüsındırdı ol.
Aidos Sarym qazırgı geosaiasi jaǧdaida Qorǧanys ministrlıgıne jaŋa tehnologiialar men zamanaui täsılder qajet ekenın aitty. Osy sebeptı jaŋa ministr Dauren Kosanovtyŋ taǧaiyndaluy — armiiany jaŋǧyrtu jolyndaǧy qisyndy qadam ekenın atap öttı.
