Öskemende qyzynyŋ "ernınen süidı" delıngen äkege qatysty tekserıs aiaqtaldy. Būl turaly bügın, 16 qaraşada IIM Äkımşılık polisiia komitetı iuvenaldy polisiia basqarmasynyŋ bastyǧy Ashat Düisembekov aitty, dep habarlaidy «Adyrna» tılşısı.
Ol polisiia atalǧan derek boiynşa tekseru jürgızgenın jetkızdı.
«Qylmys qūramy bolmaǧandyqtan, materialdardy nomenklaturalyq ıske esepten şyǧaru turaly şeşım qabyldandy», – dedı Düisembekov.
Al Oqu-aǧartu ministrı Jūldyz Süleimenova videodaǧy jaǧdaidy «qarym-qatynastyŋ jol berılmeitın formasy» dep baǧalady.
«Biyl bız jaŋa pändı, iaǧni «Jeke qauıpsızdık» kursyn engızdık. Onyŋ aiasynda jetınşı synyptan bastap oquşylarǧa arnalǧan arnaiy taqyryptar men oqu maqsattary qarastyrylǧan. Olardy balalarǧa pedagog-psihologtar tüsındıredı», – dedı ministr.
Süleimenovanyŋ aituynşa, balalar qandai ärekettıŋ dūrys ekenın, al qaisysy olardyŋ jeke şekarasyn būzatynyn tüsınuı kerek.
Būǧan deiın jelıde er adamnyŋ qyzyn tuǧan künımen qūttyqtap, ernınen süigen sätı tüsırılgen video qyzu talqylaǧan edı. 13 qaraşada ŞQO polisiia departamentı tekseru materialdary kämeletke tolmaǧandardyŋ ısterı jäne olardyŋ qūqyqtaryn qorǧau jönındegı qalalyq komissiiaǧa joldanǧanyn habarlaǧan.
Oblys äkımdıgı de tiıstı mamandar oqiǧanyŋ män-jaiyn zerdelep, otbasyna qajettı qoldau körsetkenın mälımdegen. Al qyzdyŋ äkesı öz qūqyqtaryn sot tärtıbımen qorǧauǧa niettı ekenın aitqan edı.
Polisiia tekseruınıŋ qorytyndysy boiynşa qylmys qūramy da, äkımşılık qūqyq būzuşylyq belgılerı de anyqtalmaǧan.
