Óskemende eki adamnyń máıiti tabyldy, dep habarlaıdy "Adyrna" tilshisi.
Qalada bir kúnde qalanyń ár jerinen eki er adamnyń múrdesi tabylǵan.
Óskemendegi Qabanbaı batyr kóshesinde oıyn-saýyq mekemesiniń janynan bir er adamnyń máıiti tabyldy. Aldyn ala derek boıynsha ol zorlyq-zombylyqpen ólgen bolýy múmkin.
"Atalǵan fakti boıynsha qylmystyq is qozǵalyp, kúdikti ustalyp, ýaqytsha ustaý ızolıatoryna qamaldy, qajetti saraptamalar taǵaıyndaldy", – dep habarlady ShQO IID baspasóz qyzmeti.
Ekinshi er adamnyń denesi Abaı dańǵylynan tabyldy. Máıitten pyshaq jaraqatynyń izderi bolǵan.
“Kúdikti anyqtalyp, jedel túrde ustalyp, ýaqytsha ustaý ızolıatoryna jetkizildi. Aıǵaqty zattar alynyp, qajetti saraptamalar taǵaıyndaldy. Oqıǵanyń barlyq mán-jaıy anyqtalyp jatyr”, – dep málimdedi ShQO polıııa departamentiniń baspasóz qyzmeti.
