Búgin «Úrker-2024» ulttyq syılyǵynyń jeńimpazdary anyqtaldy, dep habarlaıdy «Adyrna» ulttyq portaly.
Mádenıet jáne aqparat mınıstrliginiń bastamasymen 2017 jyldan bastap ótkizilip keledi. «Baıqaýǵa baspa, radıo, ınternet-jýrnalıstıka salasyndaǵy talantty jýrnalıster men shyǵarmashylyq ujymdar qatysady. «Úrker» ulttyq syılyǵyna bıyl 400-ge jýyq ótinish kelip túsken. BAQ ókilderi 12 nomınaııa boıynsha baq synady. Aıta keteıik, kelip túsken jumystardy bedeldi jýrnalıster, salanyń eńbek sińirgen qaıratkerleri men halyqaralyq medıa-sarapshylardan quralǵan táýelsiz qazylar alqasy baǵalady.
«ÚRKER» syılyǵynyń jeńimpazdary:
- Jyldyń úzdik suhbaty – Nurlan Orazǵalıev (Inbusiness.kz);
- Jyldyń úzdik reportajy – Iýlııa Abramova (Nur.kz);
- Áleýmettik taqyryptaǵy úzdik materıal – Ksenııa Evdokımenko (Time.kz);
- Jyldyń úzdik jýrnalıstik zertteýi – Nurlat Baıkenje (Astana aqshamy gazeti);
- Jyldyń úzdik analıtıkalyq materıaly – Tımýr Nıtalıev (Ulysmedia.kz);
- Radıostanııadaǵy úzdik joba – Qymbat Dosjan (Qazaq radıosy);
- Jyldyń úzdik fotosýreti – Salı Sabırov (Olympic.kz);
- Jyldyń úzdik jańalyqtar portaly – Abai.kz;
- Úzdik óńirlik BAQ – Nash Kostanaı gazeti;
- Halyqaralyq BAQ-ta Qazaqstan týraly jarııalanǵan úzdik materıal (baspa, radıo, ınternet-jýrnalıstıka salasynda) – Torǵyn Ashenova (Omby qazaqtary gazeti);
- Úzdik podkast – NeQuryltay;
- Úzdik YouTube kanaly – Sayahat Time (balbal.kz)
Ár nomınaııanyń jeńimpazyna «Úrker- 2024» estelik músinshesi men 1 000 000 teńge kóleminde aqshalaı syıaqy tabystaldy. Atalǵan 12 nomınaııadan bólek, Mádenıet jáne aqparat mınıstri Aıda Balaeva «Vremıa» gazeti ujymyna arnaıy syılyq tartý etti. Al, Berdibek Soqpaqbaevtyń 100 jyldyq mereıtoıyna arnalǵan marapatty «Zań» gazeti ıelendi.
