Almatyda aýrý órship tur, dep habarlaıdy "Adyrna" ulttyq portaly.
Qalalyq sanıtarlyq-epıdemıologııalyq baqylaý departamenti dabyl qaǵýda. Sebebi Almatyda salmonellez aýrýynyń eki ese ósken.
Departament bul aýrýdy juqtyrǵan 14 jasqa deıingi balalar sany 25 paıyz bolǵanyn habarlady.
"2024 jyldyń alǵashqy alty aıynda Almatyda salmonellezben aýyrý kórsetkishi 100 myń turǵynǵa shaqqanda 1,40 boldy. Bul 2023 jyldyń sáıkes kezeńindegi 0,67 kórsetkishten eki ese joǵary", – delingen habarlamada.
Aýrýdyń kóp bóligi daıyndaý tehnologııasy men saqtaý sharttaryna sáıkes kelmeıtin, sapasyz ónimderden jasalǵan taǵamdardady tutynǵan jaǵdaıda paıda bolady. Odan bólek, jeke bas tazalyǵyn saqtamaǵan kezde aýrý órshı túsedi.
