Lýkashenko: Kim bizdiń soǵyspaıtynymyzǵa kepildik beredi?

1542

Belarýssııa Prezıdenti soǵys kez-kelgen sátte bastalýy múmkin ekenin aıtty, dep habarlaıdy "Adyrna" ulttyq portaly.

BelTA atap ótkendeı, ol bul týraly Ýstede óndiristik-tehnıkalyq klasterge barǵan kezde aıtty.

"Kim bizdiń soǵyspaıtynymyzǵa kepildik beredi? Siz de, men de eshkim kepildik bere almaımyz. Jalpy álem esinen adasyp barady. Soǵys kez-kelgen sátte, kez-kelgen ýaqytta bastalýy múmkin, bizde bolýdan Qudaı saqtasyn, - dedi ol.

Sonymen qatar, Lýkashenko halyqty atys qarýymen jumys isteý daǵdylaryna úıretýdiń mańyzdylyǵyn eske túsirdi.

"Árıne, qarýly kúshterde oqyǵandar qarýmen jumys isteý daǵdylaryna mashyqtanǵan, biraq áskerge shaqyrylmaǵandardyń sany da edáýir. Mine solarǵa nazar aýdarǵanyńyz jón. Nege stýdentterdi jáne basqalardy qyzyqtyryp, olarǵa myltyq qoldanýdy, avtomat jınaýdy, bólshekteýdi, atýdy úıretpeske? El basyna qater tóńgen ýaqytta maıdan dalasynda sol dúnıelerdi úırenip jatpas úshin, osy bastan ár er azamattyń bilgeni jón", dedi prezıdent.

"Adyrna" ulttyq portaly

Pikirler
Uqsas jańalyqtar