Ýkraına prezıdenti Vladımır Zelenskıı Borıs Paton atyndaǵy Ulttyq syılyqty tapsyrý rásiminde sóılegen sózinde Ýkraınada jańa "Rýta" zymyranyn synaý sátti túrde jalǵasyp jatqanyn aıtty, dep habarlaıdy "Adyrna" ulttyq portaly "Ýkraınskaıa pravda" basylymyna silteme jasap.
"Palıanıa" zymyrany jappaı óndiriske endi. "Ad" zymyran-dronynyn alǵashqy qoldaný sátti ótti. Qorǵanys kúshterimizge alǵashqy partııasyn tapsyrdyq. Jańa "Rýta" zymyranynyń synaqtary sátti júrip jatyr. Jaqyn arada uzaq qashyqtyqtaǵy "Neptýn" okkýpanttar úshin qorqynyshty shyndyqqa aınalady" - dedi Ýkraına prezıdenti.
Sonymen qatar ol ýkraınalyq drondardyń qoldanysqa engizilgenin alǵa tartyp, olardyń Ýkraınaǵa beıbitshilik ákeletinin aıtty.
"Gor" barlaýshysy, "Vampır" jáne Heavy shot túngi bombalaýshylary, FPV-"Kolıbrı" jáne "Kamık" drondary, FPV – Darts ushaqtary - Ýkraınanyń jetistikteri. Munyń bári ýkraın óndirisi. Barlyǵy belsendi túrde qoldanysqa engizildi. Bul Ýkraınaǵa kúsh beretin nárse. Bul bizdi, ýkraındardy, qorǵaýdy qamtamasyz etetin nárse. Bul bizge, men senemin, ádil beıbitshilik ákeletin nárse" - dedi Zelenskıı.
