Ishki ister mınıstriniń birinshi orynbasary Marat Qojaev «Vagner» jeke áskerı kompanııasynyń quramynda bolǵany úshin Ýkraınada sottalǵan Qazaqstan azamatynyń oqıǵasyna ulttyq ata zań negizinde túsinikteme berdi. Reseı úshin "ot keshken" qazaqstandyqtyń elimizde de qylmystyq jaýapqa tartylatynyn habarlady, dep jazady "Adyrna" ulttyq portaly.
Búgin Májiliste tilshiler mınıstrdiń orynbasarynan «Vagner» jeke áskerı kompanııasy quramynda bolǵan jáne Ýkraınada sottalǵan Qazaqstan azamaty týraly surady.
«Meniń oıymsha, atalǵan adamǵa qatysty máseleni Syrtqy ister mınıstrligi pysyqtap jatyr. Iaǵnı bul taqyryp syrtqy saıası vedomstvo quzyretinde. Basqa elderdiń aýmaǵyndaǵy qarýly qaqtyǵystarǵa qatysqandarǵa Qazaqstanda qylmystyq jaýapkershilik qarastyrylǵan», - dedi M. Qojaev.
Sonymen qatar, Reseı bolynda "qar qursanyp, muz jastanǵan" azamattyń taıaýda ǵana Ýkraınada sottalǵanyn habarlady. Ony Qazaqstanǵa ekstradıııalaý máselesi aldaǵy ýaqytta qaralýy múmkin.
foto: «Vagner» jeke áskerı kompanııasy quramynda bolǵan Qazaqstan azamaty
Aıta keteıik, buqaralyq aqparat quraldarynda «Vagner» jeke áskerı kompanııasy quramynda bolǵan Qazaqstan azamatyn Ýkraınada 9 jylǵa bas bostandyǵynan aıyrý týraly úkim shyqqany habarlandy.
Budan bólek, bıyl sáýir aıynda Qazaqstannyń syrtqy ister mınıstrligi QR SIM «Vagner» quramyna ótken stýdent Qazaqstanda qylmystyq jaýapqa tartylatynyn jarııalady. Osyndaı áskerı kompanııalardyń quramyna kiretin adamdar elimizde 5 jyldan 9 jylǵa deıin jazaǵa tartylady.
"Adyrna" ulttyq portaly
