Bügın, 18 mausymda Aqordada medisina qyzmetkerı künıne orai saltanatty ıs-şara öttı, dep habarlaidy «Adyrna» tılşısı.
Jiynda Memleket basşysy Qasym-Jomart Toqaev därıgerlerdı käsıbi merekesımen qūttyqtap, söz söiledı.
«Eŋ aldymen, barşaŋyzǧa medisina qyzmetkerı künı qūtty bolsyn deimın. Ötken jyly bız ardaqty käsıp ielerı – medisina mamandaryn alǧaş ret Aqordaǧa şaqyryp, qūrmet körsettık. Biyl da igı dästürge sai özderıŋızdı osy jerde körgenıme öte rizamyn.
Şyn mänınde, densaulyq saqtau salasynda qoǧam igılıgı üşın adal qyzmet etıp jürgen är qyzmetkerdıŋ eŋbegı eren. Halqymyz sızderdı eŋ qadırlı mamandyq iesı retınde syilaidy jäne qūrmetteidı. Tüptep kelgende, medisina mamandary elımızdıŋ basty bailyǧy – azamattarymyzdyŋ densaulyǧyn nyǧaituǧa ölşeusız üles qosyp keledı. Men Memleket basşysy retınde osy salada tabandy eŋbek etıp jürgen barşa qyzmetkerge şynaiy rizaşylyǧymdy bıldıremın»,–dedı ol.
Memleket basşysy densaulyq saqtau salasyndaǧy jetıstıkterge de toqtaldy.
«Barşaŋyzǧa belgılı, memleket medisina salasyn damytuǧa ärdaiym basa nazar audarady. Qazır de osy baǧytta auqymdy jūmys ıstelıp jatyr. Naqty nätijeler bar. Byltyr elımız boiynşa azamattardyŋ ortaşa ömır süru ūzaqtyǧy 76 jasqa jaqyndady. Soŋǧy üş jylda ana ölımı 35 paiyzǧa, al säbi ölımı 24 paiyzǧa qysqardy. Būl – Täuelsızdık jyldaryndaǧy eŋ tömengı körsetkış. Keiıngı jetı jylda elımız boiynşa 1300-ge juyq densaulyq saqtau nysany salyndy»,–dedı Qasym-Jomart Toqaev.
Onyŋ sözınşe, qazırgı taŋda densaulyq saqtau jüiesınde 280 myŋnan astam maman qyzmet etedı.
«Medisina qyzmetkerlerınıŋ märtebesın köteru jäne bedelın küşeitu elımız üşın basymdyqqa ie mındet bolyp qala beredı. Därıgerlerdıŋ qauıpsızdıgın qataŋ qadaǧalau jūmysy airyqşa nazarda boluǧa tiıs. Osy mäselege byltyr käsıbi mereke qarsaŋynda ötken jiynda arnaiy toqtaldym. Sol sebeptı men osy jyldyŋ basynda medisina qyzmetkerlerıne küş körsetken adamdardy qylmystyq jauapkerşılıkke tartu turaly Zaŋǧa qol qoidym. Būl şeşım qoǧamymyzda berık ornyǧyp jatqan Zaŋ men tärtıp qaǧidatyna tolyq sai keledı»,–dedı prezident.
