Memleket basşysy Qasym-Jomart Toqaev Jambyl oblysyna jūmys saparymen bardy. Būl turaly bügın, 25 jeltoqsanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Prezidenttıŋ jūmys sapary «Ämır jäne D» jauapkerşılıgı şekteulı serıktestıgınıŋ qyzmetımen tanysudan bastaldy. Qasym-Jomart Toqaevqa medisinalyq preparattar men daiyn önım türlerın şyǧaratyn negızgı sehtyŋ jūmysy körsetıldı.
«Ämır jäne D» JŞS-ı äleumettık maŋyzy bar aurulardy diagnostikalauǧa arnalǧan jedel testılerdıŋ köptegen türın şyǧarady. Būl önımder V jäne S gepatitın, VİCh-infeksiiasyn, miokard talmasyn, sondai-aq esırtkı jäne psihotropty zattardy anyqtai alady.
Sondai-aq memleket basşysyna «Super-pharm» farmasevtikalyq kompaniiasynyŋ jūmysy turaly aqparat berıldı. Būl – elımızde medisinalyq būiymdar öndıretın jetekşı käsıporyndardyŋ bırı. Zauytta 600-den asa eŋbekker jūmys ısteidı. Kompaniia otandyq naryqtaǧy bır rettık qoldanuǧa arnalǧan medisinalyq būiymdarǧa sūranystyŋ 30 paiyzyn qamtamasyz etedı.
Prezident otandyq farmasevtika industriiasynyŋ damuy importqa täueldılıktı tömendetıp, ūlttyq densaulyq saqtau jüiesın nyǧaituda maŋyzdy ekenın atap öttı.
Aita keteiık, jūmys sapary aiasynda Qasym-Jomart Toqaev bırqatar ekonomikanyŋ türlı sektoryndaǧy investisiialyq jobalardyŋ jüzege asyrylu barysymen tanysyp, oblys jūrtşylyǧymen kezdespek.
