Germaniianyŋ ondaǧan qalasynda jastardyŋ jappai narazylyq aksiialary ötıp jatyr, dep habarlaidy “Adyrna”.
DW deregınşe, Berlinde polisiia şamamen 2 700, Miunhende 1 800, al Frankfurt-na-Mainede 1 000-ǧa juyq demonstrantty tırkegen. El boiynşa aksiiaǧa qatysqandardyŋ jalpy sany äzırge jariialanǧan joq.
Narazylyq şaralarynyŋ basym bölıgı beibıt jaǧdaida ötıp jatyr. Alaida Ştutgart qalasynda polisiia şerudı bırneşe ret toqtatuǧa mäjbür bolǧan. Būǧan aksiia bastalmai tūryp tütın şaşkalarynyŋ qoldanyluy men petardalardyŋ jaryluy sebep bolǧan. Sonymen qatar polisiia bet-jüzın jasyrǧan şeruşılerge eskertu jasaǧan.
Jastardyŋ narazylyǧyna ömır süru qūnynyŋ ösuı, Germaniiada mındettı äskeri qyzmettıŋ qaita engızıluı mümkındıgı jäne klimattyq saiasattyŋ tiımsızdıgı sebep bolǧan.
Berlin, Keln, Frankfurt jäne Miunhen qalalaryndaǧy şerulerdı «Gen Z regelt» («Z ūrpaǧy şeşedı») qozǧalysymen bailanysty ūiymdastyru toby üilestırıp otyr. Al özge qalalardaǧy aksiialarǧa qatysty top olardyŋ ūiymdastyryluy men mazmūnyna jauapty emes ekenın mälımdegen. Degenmen ūiym öz saitynda būl şaralar turaly aqparat jariialap, jastardy beibıt şeruge qatysuǧa şaqyrǧan.
