Irannyń onǵa jýyq qalasynda, onyń ishinde Tegeranda turǵyndar zeınetaqy men basqa da áleýmettik tólemderdi kóbeıtýdi, sondaı-aq eńbek jaǵdaıyn jaqsartýdy talap etken sherýler ótkizdi. Bul týraly Iran International jarııalady, dep habarlaıdy “Adyrna” ulttyq portaly.
Narazylyq sherýleri jeksenbi, 7 shilde reformator Masýd Pezeshkıannyń (Pezeshkıan) jeńisimen aıaqtalǵan kezekten tys prezıdent saılaýynyń ekinshi týry aıasynda ótti. Sherýge zeınetkerler men buryn munaı-hımııa kásiporyndarynda jumys istegen jumyssyzdar shyqty.
Narazylyq bildirýshiler zeınetaqy men járdemaqyny kedeılik sheginiń naqty deńgeıine deıin kóterýdi, tegin jáne sapaly medıınalyq qyzmet kórsetýdi, jumys ornyn qamtamasyz etýdi jáne jalaqyny kóterýdi talap etti.
Buǵan qosa, birneshe uzaqqa sozylǵan ereýilder týraly habarlandy. Eldiń soltústigindegi Rýdbarda sýmen jabdyqtaýshylar segiz aılyq jalaqy qaryzyn tóleýdi talap etip, narazylyq tanytýda. Irannyń ońtústiginde jeltoqsan aıynan beri aqsha almaǵan munaı-gaz kompanııalarynyń qyzmetkerleri de ereýil arqyly máselesin sheshpek.
Narazylyq bildirýshiler jalaqy bereshegin jabýmen qatar, táýelsiz kásipodaqtardy qurýdy jáne saladaǵy «qanaýshy merdigerlerdi» joıýdy talap etýde. Sońǵy on jylda munaı-gaz sektory deldal retinde áreket etetin kúshti memlekettik sheneýnikterge aýtsorsıngke berilgeni naqtylandy. Osydan keıin jalaqyny qysqartý jáne eńbek jaǵdaılaryn kúsheıtý bastaldy.
Buqaralyq aqparat quraldarynyń habarlaýynsha, Iran buryn-sońdy bolmaǵan ekonomıkalyq daǵdarysty bastan keshýde. Jyldyq ınflıaııa shamamen 50%-dy quraıdy. Eń tómengi jalaqy dollar ekvıvalentinde $190 quraıdy, bul el turǵyndaryn kúnkóris qamymen kúresýge májbúr etedi. Tegerandaǵy kúnkóris deńgeıi shamamen $500, basqa qalalarda $350 quraıdy.
Keıbir sherýshiler Islam Respýblıkasy bıliginen kásipodaq belsendisi Sharıfa Mohammadıge shyǵarylǵan ólim jazasyn joıýdy da talap etip jatqany atap ótildi. Kópshilik áıelder tek batyl málimdemeleri men úkimetti synaǵany úshin ǵana qýdalanady dep esepteıdi.
