Almatyda äskerge sau ketken sarbaz Ordabek Tüimebaev äskerden merzımınen būryn üiıne oralǧan. Äkesınıŋ aituynşa, denı sau balasy alty aida psihiatriialyq auruhanadan bır-aq şyqqan, dep habarlaidy «Adyrna» ūlttyq» portaly 31 arnanyŋ “İnformbiuro” baǧdarlamasyna sılteme jasap.
Äkesı Otan aldyndaǧy boryşyn ötep jürgen jalǧyz ūlyn komandirlerı soqqyǧa jyǧyp, qysym körsetken deidı. Söitıp, üş apta būryn ūlyn eşteŋe tüsındırmesten, "boryşyn ötedı, bärı jaqsy" dep äkep tastapty. Qazır 21 jastaǧy jıgıt Nūr-Sūltandaǧy psihiatriialyq auruhanada em alyp jatyr.
Almahan Balyqbaevtyŋ jalǧyz ūly Ordabek ötken jyly qaraşa aiynda äskerge şaqyrylyp, Almatydaǧy 7552 äskeri bölımıne jıberılgen.
Sözınşe, densaulyǧynda eşqandai kınärat bolmaǧan. Arada alty aiǧa juyq uaqyt ötkende äskeriler balasyn üiıne äkep tastaǧan. Bıraq ne üşın äskeri qyzmetten merzımınen būryn bosatylǧanyn tüsındırmeptı. Al kelesı Ordabektıŋ mınez-qūlqy özgerıp şyǧa kelgen. Söitıp, bırde telefonyn, bırde kuälıgın joǧaltyp, üidegı dünielerdı örtei bastapty.
“Balam oqta-tekte aityp qalady. “Tek aqşa sūraumen boldy. Aqşa bolmasa, törteu, beseu bolyp tepkıleidı menı” deidı”, – deidı Ordabektıŋ äkesı Almahan Balyqbaev.Almahannyŋ aituynşa, kün ötken saiyn jalǧyz ūlynyŋ jaǧdaiy uşyǧa bastaǧan. Barmaǧan därıgerı, aparmaǧan auruhanasy qalmapty. Aqyry, balasyn Nūr-Sūltandaǧy psihiatriialyq auruhanaǧa jatqyzuǧa mäjbür bolady. Qazır Ordabek on künnen berı sonda em qabyldap jatyr eken.
“Ony myna jaǧdaiǧa tüsıp ketken tanymai qaldy. Özın-özı bılmei qalyp ıstep jatyr ǧoi. Esı kırelı-şyǧaly bolyp tūrady. Balamyz da bärı būrynǧydai emes”, – deidı Ordabektıŋ anasy Gülsara Eltoqova.Ūlttyq ūlan "Oŋtüstık" öŋırlık qolbasşylyǧynyŋ ökılderı sarbazǧa eşqandai qysym körsetılgen joq dedı. Sözderınşe, Ordabek äskerde jürgen alty aida ünemı därıgerlerdıŋ baqylauynda bolypty. Öitkenı, alǧaşqy aptada-aq balanyŋ bırtürlı ersı qylyqtaryn baiqaǧan. Sondyqtan arnaiy mamandardyŋ kömegıne jügınıptı.
“Ūryp-soǧu degen bolǧan joq. Eger qazır de ondai bır netetın bolsa, ūrdy-soqty deitın bolsa, bızdıŋ qūqyq qorǧau organdary bar. Olarǧa sol nesımen aityp, bärın tekserıledı. Endı eşqandai da, eger kınälı adamdar bolsa jauapkerşılıkke tartylady”, – deidı QR ŪŪ "Oŋtüstık" ÖŋQ qolbasşysynyŋ orynbasary Niiaztai Älkeşev.Şendı qatardaǧy jauyngerdıŋ densaulyǧynda kınärat baryn jäne qandai kınarat ekenın ata-anasy da äu basta-aq bılgen dedı. Ärı ylǧi bailanysyp, jaǧdaiyn sūrap otyrypty. Sol üşın mamyrdyŋ üşı alty aiǧa jeter-jetpes boryşyn ötegen Ordabekke merzımınen būryn äskeri biletı tapsyrylyp, üiıne qaitarylǧan eken.
"Adyrna" ūlttyq portaly
Ūqsas jaŋalyqtar
