"Aqsha bermeseń tepkileıdi": Almatyda áskerge saý ketken sarbaz psıhıatrııalyq aýrýhanadan bir-aq shyqty

8948
Adyrna.kz Telegram

Almatyda áskerge saý ketken sarbaz Ordabek Túımebaev áskerden merziminen buryn úıine oralǵan. Ákesiniń aıtýynsha, deni saý balasy alty aıda psıhıatrııalyq aýrýhanadan bir-aq shyqqan, dep habarlaıdy «Adyrna» ulttyq» portaly 31 arnanyń 

">“Informbıýro” baǵdarlamasyna silteme jasap. 

Ákesi Otan aldyndaǵy boryshyn ótep júrgen jalǵyz ulyn komandırleri soqqyǵa jyǵyp, qysym kórsetken deıdi. Sóıtip, úsh apta buryn ulyn eshteńe túsindirmesten, "boryshyn ótedi, bári jaqsy" dep ákep tastapty. Qazir 21 jastaǵy jigit Nur-Sultandaǵy psıhıatrııalyq aýrýhanada em alyp jatyr.

Almahan Balyqbaevtyń jalǵyz uly Ordabek ótken jyly qarasha aıynda áskerge shaqyrylyp, Almatydaǵy 7552 áskerı bólimine jiberilgen.

Sózinshe, densaýlyǵynda eshqandaı kinárat bolmaǵan. Arada alty aıǵa jýyq ýaqyt ótkende áskerıler balasyn úıine ákep tastaǵan. Biraq ne úshin áskerı qyzmetten merziminen buryn bosatylǵanyn túsindirmepti. Al kelesi Ordabektiń minez-qulqy ózgerip shyǵa kelgen. Sóıtip, birde telefonyn, birde kýáligin joǵaltyp, úıdegi dúnıelerdi órteı bastapty.

“Balam oqta-tekte aıtyp qalady. “Tek aqsha suraýmen boldy. Aqsha bolmasa, tórteý, beseý bolyp tepkileıdi meni” deıdi”, – deıdi Ordabektiń ákesi Almahan Balyqbaev.

Almahannyń aıtýynsha, kún ótken saıyn jalǵyz ulynyń jaǵdaıy ýshyǵa bastaǵan. Barmaǵan dárigeri, aparmaǵan aýrýhanasy qalmapty. Aqyry, balasyn Nur-Sultandaǵy psıhıatrııalyq aýrýhanaǵa jatqyzýǵa májbúr bolady. Qazir Ordabek on kúnnen beri sonda em qabyldap jatyr eken.

“Ony myna jaǵdaıǵa túsip ketken tanymaı qaldy. Ózin-ózi bilmeı qalyp istep jatyr ǵoı. Esi kireli-shyǵaly bolyp turady. Balamyz da bári burynǵydaı emes”, – deıdi Ordabektiń anasy Gúlsara Eltoqova.

Ulttyq ulan "Ońtústik" óńirlik qolbasshylyǵynyń ókilderi sarbazǵa eshqandaı qysym kórsetilgen joq dedi. Sózderinshe, Ordabek áskerde júrgen alty aıda únemi dárigerlerdiń baqylaýynda bolypty. Óıtkeni, alǵashqy aptada-aq balanyń birtúrli ersi qylyqtaryn baıqaǵan. Sondyqtan arnaıy mamandardyń kómegine júginipti.

“Uryp-soǵý degen bolǵan joq. Eger qazir de ondaı bir netetin bolsa, urdy-soqty deıtin bolsa, bizdiń quqyq qorǵaý organdary bar. Olarǵa sol nesimen aıtyp, bárin tekseriledi. Endi eshqandaı da, eger kináli adamdar bolsa jaýapkershilikke tartylady”, – deıdi QR UU "Ońtústik" ÓńQ qolbasshysynyń orynbasary Nııaztaı Álkeshev.

Shendi qatardaǵy jaýyngerdiń densaýlyǵynda kinárat baryn jáne qandaı kinarat ekenin ata-anasy da áý basta-aq bilgen dedi. Ári ylǵı baılanysyp, jaǵdaıyn surap otyrypty. Sol úshin mamyrdyń úshi alty aıǵa jeter-jetpes boryshyn ótegen Ordabekke merziminen buryn áskerı bıleti tapsyrylyp, úıine qaıtarylǵan eken.

"Adyrna" ulttyq portaly

Pikirler