Respublika künı qarsaŋynda Jetısu oblysynda 50-ge juyq otbasy qonys toiyn toilady. Tūrǧyn üi kezegınde tūrǧan azamattarǧa Taldyqorǧan qalasynda, Kerbūlaq jäne Köksu audandarynda päterler men jeke tūrǧyn üilerdıŋ kıltterı tabystaldy, dep habarlaidy Jetısu oblysy äkımınıŋ baspasöz qyzmetı.
Atap aitqanda, Taldyqorǧan qalasynda 22 otbasy qonys toiyn toilap, «Qūlager», «Şyǧys» şaǧynaudandarynan, «Jastar-3» tūrǧyn alabynan jäne «Bereke» kottedj qalaşyǧynan baspana aldy. Jalpy, jyl basynan berı oblys ortalyǧynda 639 otbasy qoljetımdı baspanamen qamtamasyz etılse, jyl soŋyna deiın būl körsetkış 1500-den asady. Aita keteiık, 9 aida Taldyqorǧan qalasynda 92,1 myŋ şarşy metr tūrǧyn üi paidalanuǧa berıldı.
– Respublika künı qarsaŋynda otbasymyzda quanyşty oqiǧa boldy. Tört balam bar, baspana kütkenıme köp boldy. SMS-habarlama kelgende alǧaşynda tıptı senbedım. Barşaŋyzdy qonys toilaryŋyzben qūttyqtaimyn, – dep quanyşymen bölıstı qala tūrǧyny Olga Genievskaia.
Qonys toiyn toilaǧandardyŋ qatarynda Köksu audanynyŋ tūrǧyndary da bar. Olarǧa Balpyq bi jäne Zyliha Tamşybai auyldarynda ornalasqan jeke tūrǧyn üilerdıŋ kıltterı tabystaldy. Jyl basynan berı Köksu audanynda äleumettık osal toptaǧy 69 azamat baspanamen qamtamasyz etıldı.
– Köksu audanynda tūrǧyn üi kezegıne 2019 jyly tırkeldım. Alty balany tärbielep otyrmyn. Oblys äkımınıŋ qoldauymen audanymyzda zamanaui üiler salynyp jatyr. Sol üilerdıŋ bırı bızge berıldı. Quanyşymdy sözben jetkızu qiyn. Balalar baqytty. Öitkenı baspana – äl-auqattyŋ basty negızı, – dedı Nargiz Qojanazarova.
– Balpyq bi auylynda tūramyz. Bügın otbasymyz jaŋa üidıŋ kıltın aldy. Köŋılımdı quanyş kernep tūr. Osy armanymyzǧa jetuımızge kömektesken barşa janǧa alǧys aitamyn. Barşaŋyzdy kele jatqan Respublika künımen qūttyqtaimyn, – dedı jerlesterıne Asiia Bairamova.
Saryözek auylynyŋ tūrǧyndary da mereke qarsaŋynda qonys toiyn toilady. Mūnda apatty dep tanylǧan tūrǧyn üilerde tūrǧan kezekte tūrǧan 15 azamatqa jaŋadan salynǧan 60 päterlı tūrǧyn üiden päter kıltterı tabystaldy. Olardyŋ qatarynda Madina Dosan da bar.
– Bızdıŋ üiımız ekı jyl būryn apatty dep tanyldy. Kezekke säikes üş bölmelı päterdıŋ kıltın aldym. Joldasym ekeumız tört balany tärbielep otyrmyz. Üş qyzymyz ben bır ūlymyz bar. Jeke baspanamyzǧa qol jetkızgen soŋ, būrynǧydan da baqytty bola tüstık, – dedı ol.
Jalpy, biyl Jetısu oblysynda 4 600 otbasy baspanamen qamtamasyz etıledı.
