Jūma künı Siriialyq diktator Başar Asad Siriiada qalyp, onyŋ otbasy şetelge kettı, dep habarlaidy "Adyrna" ūlttyq portaly The Wall Street Journal basylymyna sılteme jasap.
Asad Siriiada qalǧan, al onyŋ balalary men äielı ötken aptada Reseige, küieu balasy Bırıkken Arab Ämırlıkterıne ketken.
Mysyr men İordaniia şeneunıkterı Asadty Siriiadan ketıp, uaqytşa keŋes qūruǧa şaqyrǧan. Būl keŋeske oppozisiia ökılderı qosyluy tiıs dep mälımdedı şeneunıkter. Alaida AQŞ-taǧy İordaniia elşılıgı İordaniia şeneunıkterınıŋ siriialyq diktatordy elden ketuge şaqyrǧanyn joqqa şyǧardy.
Būǧan deiın türık basylymdary Asad pen Siriia ükımetı el astanasy Dimaşyqtan ketkenın habarlaǧan bolatyn. Asad otbasymen bırge oppozisiialyq küşterdıŋ şabuylyna bailanysty Tegeranǧa ketkenın de aitqan.
Sol uaqytta CNN siriialyq köterılısşıler 2011 jyly bastalǧan köterılıs oşaǧy bolǧan Deraa qalasyn baqylauǧa alǧanyn jäne Dimaşyqqa jaqyndap kele jatqanyn mälımdedı.
Asad rejimıne qarsy şabuyldar el astanasynyŋ soltüstıgı men oŋtüstıgınde qarqyn ala bastaǧan kezde, kürdter basqaratyn jauyngerler eldıŋ şyǧys bölıkterıne qarai qozǧalǧan.
Kürd küşterı Siriianyŋ soltüstık-şyǧysyn baqylauǧa alyp, azamattyq soǧys kezınde on jyl boiy ülken qiyndyqpen qol jetkızılgen avtonomiiany ornatqan edı. Alaida olar būl avtonomiianyŋ endı siriialyq oppozisiia köterılısşılerınen qauıp tönıp tūrǧanyna alaŋdauly. Köterılısşılerdıŋ negızgı maqsaty Asad rejimın qūlatu bolǧanymen, kürd jauyngerlerı zorlyq-zombylyqtyŋ öz aumaqtaryna taraluy mümkın dep qorqady.
27 qaraşada bastalǧan şabuyldan keiın siriialyq oppozisiia toptary Aleppo, İdlib, Tel-Rifat, Hama qalalaryn basyp alyp, Dimaşyqqa deiıngı soŋǧy bekınıs sanalatyn Homs qalasyna jaqyndaǧan.
Ūqsas jaŋalyqtar
