Bügın Şymkent qalasy əkımdıgınde Şymkent qalalyq Densaulyq saqtau basqarmasynyŋ basşysy Rustam Albaevtyŋ qatysuymen bügıngı epidemiologiialyq ahual jönınde brifing öttı.
Baspasöz mäjılısınde, eŋ aldymen, Rustam Quanyşbekūly qaladaǧy epidemiologiialyq jaǧdai men atqarylyp jatqan jūmystar turaly baiandady.
– Şymkent qalasynda qolaisyz epidemiologiialyq jaǧdaiǧa bailanysty infeksiialyq aurularǧa şaldyqqan nauqastardy emdeu üşın tösek-oryndar sany qosymşa köbeitılude. Būl tösek-oryndar sany 650-den 3129-ǧa jettı. Sondai-aq jan saqtau bölımındegı oryndar sanyn da köbeitıp, bügınde 141 jan saqtau orny bar. Olar №2 qalalyq auruhana, Asar möltek audanyndaǧy 200 tösek-oryndyq infeksiialyq auruhana jəne qalalyq kordiologiialyq ortalyqtardyŋ bazasynda ornalastyrylǧan. Būl baǧytta reanimatolog mamandar täulıgıne 24 saǧat jūmys ısteude. Şymkent qalasynda ötken jylmen salystyrǧanda bügınge deiın jedel järdem qyzmetın şaqyrtuşylar sany 2 esege ösken edı. Qazırgı taŋda jaǧdai qalypqa kele bastady. Al därı-därmek boiynşa Resei, Ukraina, Türkiia, Özbekstan t.b. elderdıŋ kompaniialarmen kelısımşart jasalynyp, därı-därmekter äkelınude. Sonymen qatar kelesı aptada Reseiden täjıribe almasu üşın ärı kömek beru üşın 5 maman, Türkiia elınen 10 maman keledı, – dedı basqarma basşysy.Aita keteiık, qalada dərılerdıŋ baǧasyn tūraqtandyru üşın qūrylǧan 4 monitoringtık top bügınge deiın 50 zaŋ būzuşylyq faktısın anyqtap, olarǧa tiıstı äkımşılık şaralar körsetken. Odan bölek, därıhanada joq därılerdıŋ ornyna balamalaryn ūsynu eskertılgen.
Ūqsas jaŋalyqtar
