Şymkent qalasynda Mūhtar Äuezov atyndaǧy Oŋtüstık Qazaqstan universitetındegı ırı kölemdegı qarjy jymqyru ısıne qatysty segız adamǧa sot ükımı şyqty, dep habarlaidy "Adyrna" ūlttyq portaly.
Is Şymkent qalasynyŋ qylmystyq ıster jönındegı audanaralyq sotynda qaraldy.
Sot mälımetınşe, aiyptaluşylardyŋ jeteuı Qazaqstan Respublikasy Qylmystyq kodeksınıŋ 189-baby 4-bölıgı boiynşa – qyzmettık jaǧdaiyn paidalanyp, asa ırı kölemde mülıktı iemdenu deregımen kınälı dep tanyldy. Taǧy bır adamǧa osy baptyŋ 3-bölıgı boiynşa aiyp taǧylǧan.
Tergeu barysynda universitettıŋ būrynǧy bırınşı prorektorynyŋ salǧyrttyǧy saldarynan oqu ornyna 153,5 mln teŋge kölemınde şyǧyn kelgenı anyqtalǧan. Sonymen qatar, qarjy departamentınıŋ direktory 166,7 mln teŋgenı, mındetın atqaruşy direktor 100,1 mln teŋgenı jymqyrǧan. Al äkımşılık-şaruaşylyq departamentınıŋ direktory özge tūlǧalarmen bırge 320,5 mln teŋgenı iemdengen. Basqa figuranttar da 7,3 mln-nan 61,6 mln teŋgege deiıngı qarajatty jymqyruǧa qatysy bar dep tanyldy.
Sot aiyptaluşylardyŋ kınäsı olardyŋ öz jauaptary, kuägerlerdıŋ aiǧaqtary jäne ıs materialdary arqyly tolyq däleldengenın atap öttı.
Nätijesınde, sot ükımımen:
– bır adam 8 jylǧa bas bostandyǧynan aiyrylyp, jaza 3 jylǧa şegerıldı;
– bıreuı 7 jylǧa sottaldy;
– ekeuıne 8 jyl merzım belgılendı;
– bır adam amnistiiany eskere otyryp 5 jyl 7 aiǧa sottaldy;
– taǧy bıreuıne 5 jyl 7 ai jaza taǧaiyndaldy;
– ekı adam şartty jaza aldy;
– bır adamǧa amnistiia negızınde 2 jylǧa bostandyǧyn şekteu jazasy kesıldı.
Sondai-aq, bır aiyptaluşy amnistiia aktısı boiynşa negızgı jazadan bosatyldy.
