Almatyda órt sóndirýshiler Raıymbek pen Rozybakıev kósheleriniń qıylysyndaǵy kóterme saýda aımaǵyndaǵy qoımalardaǵy órtti sóndirdi. Órt aýmaǵy 1000 sharshy metrden asady, dep habarlaıdy «Adyrna» ulttyq portaly Qalalyq tótenshe jaǵdaılar departamentiniń baspasóz qyzmetine silteme jasap.
Dúısenbi, 18 jeltoqsan kúni tańerteń 101 nómirine qoımadaǵy órt týraly habarlama kelip túsken.
«Órt nysan qyzmetkeriniń órt týraly kesh habarlaýy nátıjesinde paıda boldy, biz oqıǵa ornyna jedel shtabty ornalastyrdyq, múddeli qalalyq qyzmetterdi jumyldyrdyq, úsh jaýyngerlik aımaq qurdyq. Órtti sóndirýge jáne kórshi qoımalardy qorǵaýǵa órt oqpandary engizildi. Raıymbek dańǵylynan tasymaldaý arqyly úzdiksiz sý berý qamtamasyz etildi», - dedi TJD bastyǵynyń orynbasary polkovnık Áıteev Asan.
Órtti sóndirýdi qoımalardyń joǵary órt júktemesi qıyndatqan, bul órttiń tez taralýyna, joǵary temperatýra men qoıý tútinge yqpal etti. Órt sóndirýshiler órttiń jaqyn mańdaǵy taýarlar men materıaldar (karton, qaǵaz ónimderi, azyq-túlik ónimderi) bar qoımalarǵa taralýynyń aldyn alyp, sol arqyly kásipkerler múlkiniń edáýir bóligin qorǵaýǵa múmkindik týdyrdy. Órt 08:50-de oqshaýlanyp, 09:45-te sóndirildi. Qurbandar men zardap shekkender joq. Iske 30-dan astam tehnıka men 100 adam jumyldyryldy.
Kásipkerler órt sóndirýshilerge alǵystaryn bildirdi. Órt sóndirýshilerge alǵys bildirgenderdiń biri – «Hamle» fılıalynyń basshysy Andreı Orlov.
«Adyrna» ulttyq portaly
