6 jeltoqsanda Shymbulak tau kurorty qysqy mausymdy resmi türde aşyp, myŋdaǧan qonaqty qabyldady. Künı boiy kurorttyŋ bes türlı alaŋynda konsertter, syrǧanau joldarynda sporttyq jäne merekelık şaralar öttı.
Taŋerteŋ bazalyq stansiiada qonaqtar üşın DJ-ler, Stradivari kvartetı, bi ūjymdary öner körsetıp, bükıl otbasy müşesıne arnalǧan interaktivtı baǧdarlamalar ūiymdastyryldy. Kündızgı baǧdarlamanyŋ hedlainerı — qazaqstandyq indi-muzykant Dudeontheguitar. Ol jaŋa albomynan kompozisiialar men tanymal änderın oryndady.
Basqa lokasiialar da merekelık köŋıl küige bölendı:
– Medeudegı alaŋda Red Bull ūsynǧan DJ-setter oinady;
– Talǧar asuynda muzykalyq jäne oiyn-sauyq baǧdarlamalar öttı;
– Mūz aidynynda jappai syrǧanau men mänerlep syrǧanauşylardyŋ arnaiy qoiylymy ūiymdastyryldy;
– Orta stansiiada alǧaşqy Shymba Après Ski öttı.
Biyl Shymbulak şaŋǧy tebuden keiıngı erkın äŋgımelesu men demalys formatyndaǧy kündızgı après-ski dästürın bastady. Shymba Après Ski şarasyn Elevation jäne Vihod promo-komandalary bırlesıp ötkızdı. Qonaqtar qala panoramasyn, zamanaui muzykany jäne aşyq tau-şaŋǧy qauymdastyǧynyŋ atmosferasyn tamaşalady. Endı Shymba Après Ski är senbı saiyn Le Mont alaŋynda ötedı.
Qazır Shymbulak kurortynda «Talǧar», «Jasyl qaiyŋ», «Aq aiu» jäne «Aq barys» syrǧanau joldary aşyq. Aiaz tūraqtanǧan soŋ qosymşa joldar da ıske qosylady. Sondai-aq Talǧar asuyndaǧy tüngı syrǧanau mausymy bastaldy.
«Är mausymdy bız kurortymyzdy qauıpsız syrǧanauǧa jäne demaluǧa mūqiiat daiyndaudan bastaimyz. Tehnikalyq mamandar arqanjoldarǧa tolyq diagnostika jürgızıp, jabdyqtyŋ bırazyn jaŋartty. Biyl qonaqtar jalǧa alu aimaqtarynyŋ keŋeigenın jäne qyzmet körsetu mamandarynyŋ jūmysy jaqsarǧanyn bırden baiqady. Bızdıŋ mamandar betkeilerdı syrǧanauǧa äzırleudı jalǧastyryp jatyr, al tūraqty aiaz ornaǧan soŋ taǧy da bırneşe jol aşylady. Qonaqtarymyzdyŋ özderın betkeilerde senımdı ärı qauıpsız sezınuı bız üşın öte maŋyzdy», — dedı Chimbulak Development kompaniiasynyŋ basqaruşy direktory Nūrlan Seitqazin.
Shymbulak kurorty mausymnyŋ aşylu künındegı jyly atmosfera üşın barlyq qonaqtarǧa alǧys aitady. Alda qonaqtardy bes ailyq syrǧanau, jarqyn oqiǧalar men ūmytylmas äserler kütıp tūr.
