Abai oblysynda jylytu mausymyna daiyndau jūmystarynyŋ belgılengen merzımnen keşıgıp jatqany anyqtaldy, dep habarlaidy “Adyrna”.
Premer-ministr Oljas Bektenov Semei qalasyndaǧy jaǧdaiǧa bailanysty oblys äkımınıŋ jauapty orynbasaryn tärtıptık jauapkerşılıkke tartudy tapsyrdy.
Premer-ministrdıŋ aituynşa, barlyq öŋırler daiyndyq jūmystaryn belgılengen merzımde aiaqtaǧan. Alaida Abai oblysynda, naqtyraq aitqanda, Semei qalasynda jylu jelılerın daiyndau jūmystary kesteden qalyp otyr.
Osyǧan bailanysty Oljas Bektenov oblys äkımınıŋ jylumen qamtu mäselesıne jetekşılık etetın orynbasaryn tärtıptık jauapkerşılıkke tartudy tapsyrdy.
«Tiıstı üilestırudıŋ bolmauy jäne Semei qalasynyŋ jylu jelılerın uaqtyly daiyndamauyna bailanysty Abai oblysy äkımınıŋ jauapty orynbasaryn tärtıptık jauapkerşılıkke tartudy tapsyramyn», – dedı premer-ministr.
Abai oblysy äkımdıgınıŋ mälımetınşe, jylumen qamtu jäne jylytu mäselesıne oblys äkımınıŋ orynbasary Bekjan Bapyşev jetekşılık etedı.
Sonymen qatar Ükımet basşysy öŋır äkımderıne jylytu mausymynyŋ ötuın baqylau jönındegı öŋırlık ştabtardyŋ jūmysyn qaita jandandyrudy tapsyrdy. Energiia közderınıŋ daiyndyǧyn tūraqty türde tekseru qajet.
Ol josparly körsetkışterdıŋ saqtaluyn, otynnyŋ normativtık qoryn qamtamasyz etudı jäne rezervtık jabdyqtardyŋ daiyn boluyn baqylauda ūstaudy tapsyrdy. Būdan bölek, halyq üşın kömırdıŋ jetkılıktı boluy jäne onyŋ tūraqty baǧamen satyluy da tūraqty baqylauda boluy tiıs.
