Bolgariia premer-ministrı Rosen Jeliazkovtyŋ jetekşılıgındegı oŋ-ortalyq ükımet jappai qoǧamdyq qysymnan keiın otstavkaǧa kettı. Būl şeşım särsenbı keşınde el astanasy Sofiiada jäne basqa da qalalarda ötken keŋ kölemdı narazylyqtardan soŋ jariialandy, dep habarlaidy “Adyrna” portaly VVS-ge sıltep.
Sofiianyŋ ortalyǧyndaǧy Täuelsızdık alaŋyna, «Bilık üşbūryşy» dep atalatyn aimaqqa 50 000–100 000-ǧa juyq adam jinalyp, ükımettıŋ qyzmetten ketuın talap ettı. Narazylyq barysynda parlament ǧimaratyna «Otstavka» jäne «Mafiia, ket!» degen jazular proeksiialandy.
Ötken aptada şeruşılerdı Bolgariia prezidentı Rumen Radev te qoldap, ükımetke otstavkaǧa ketu jönınde aşyq ündeu jasaǧan bolatyn.
Rosen Jeliazkov senımsızdık votumyna dauys berudıŋ aldynda jäne Bolgariianyŋ euroaimaqqa qosyluyna 20 kün qalǧanda premer-ministr qyzmetın tastady. Jinalǧandar ükımettı qaŋtar aiynan berı jalǧasyp kele jatqan keŋ taralǧan sybailas jemqorlyqqa qatysy bar dep aiyptady. Osy syndardan keiın bilık kelesı jylǧa arnalǧan dauly biudjet jobasyn qaitaryp alǧan edı.
Telejoldauynda Jeliazkov narazylyq bıldıruşılerdıŋ talabyn estitının mälımdep, jastar men egde adamdardyŋ da otstavka talap etkenın atap öttı. Ol azamattyq belsendılıktı qoldau qajettıgın aitty.
Ükımettıŋ saitynda jariialanǧan resmi aqparatqa säikes, qazırgı ministrler jaŋa kabinet jasaqtalǧanşa öz mındetterın atqara beredı.
Jeliazkovtyŋ ükımetı būǧan deiın bes ret senımsızdık votumynan ötken, al beisenbı künı altynşysy ötkızılmek bolǧan.
