Semeide bır top jasöspırımnıŋ mektep oquşysyn aiausyz qorlau faktısı boiynşa komissiia şeşım qabyldady. Jasöspırımder arnaiy mektepke jıberıledı, onda olar tüzetu kursyn ötıp, psihologtarmen jūmys ısteidı. Būl turaly Abai oblystyq polisiia departamentı mälımdedı, dep habarlaidy “Adyrna” ūlttyq portaly.
Semeide kämeletke tolmaǧandardyŋ qūqyǧyn qorǧau jönındegı komissiianyŋ otyrysy öttı. Onda bır top jasöspırımnıŋ mektep oquşysyn ūryp-soǧuyna qatysty oqiǧa qaraldy. Kämeletke tolmaǧandarǧa qatysty sotqa deiıngı tergeu bastaldy.
Abai oblystyq polisiia departamentı oqiǧaǧa qatysuşylardyŋ barlyǧy deviantty mınez-qūlyqty balalarǧa arnalǧan mamandandyrylǧan mektepke jıberıletının habarlady. Onda psihologtar olarmen jūmys ıstep, uaqytşa oqşaulau jaǧdaiynda tüzeu jūmystaryn jürgızedı.
«Otbasylyq jaǧdaiǧa erekşe nazar audarylyp, üş ata-anany ata-ana qūqyǧynan aiyru turaly şeşım qabyldandy, ekı balaǧa bır qamqorşylyq toqtatyldy», - dedı Abai oblystyq polisiia departamentı bastyǧynyŋ orynbasary, polisiia polkovnigı Ernar Bazarov.
Abai audandyq polisiia basqarmasy materialdardyŋ qosymşa qarau üşın sotqa jıberılgenın tüsındırdı.
Aita ketsek, 24 aqpanda äleumettık jelıde bır top mektep oquşylarynyŋ qorlanyp, soqqyǧa jyǧylǧan qūrbylaryna qatygezdık tanytqan video taraǧan bolatyn.
Jan türşıgerlık kadrlardyŋ astyndaǧy tüsınıktemelerde videonyŋ Semei qalasynda, 343-şı audanda tüsırılgenı aitylǧan.
Jasöspırımderdıŋ mektep oquşysyn qarda qalai ūrǧany, barlyǧyn videoǧa tüsırıp alǧan. Jazbalarda ädepsız sözder qoldanylady.
Kadrlarǧa qaraǧanda, şabuylǧa ūldar ǧana emes, qyzdar da qatysqan: olar ne bolyp jatqanyn baqylap qana qoimai, mektep oquşysynyŋ özın, sonyŋ ışınde basynan da ūrǧan.
Jelı qoldanuşylary jasöspırımderdıŋ būl äreketıne taŋ qalyp, olardyŋ barynşa jazalanuyn talap ettı.
Aita keteiık, Abai audanynyŋ poliseilerı altynşy synyp oquşysyn soqqyǧa jyǧu deregı boiynşa qylmystyq ıs qozǧalǧanyn habarlaǧan bolatyn. Janjalǧa qatysuşylardyŋ barlyǧy ata-analarymen bırge polisiiaǧa jetkızılgen. Ūstalǧandardyŋ arasynda bır qyz bar.
