Grýzııanyń aýdandyq soty daýys berý qupııasyn buzǵany úshin 30 saılaý ýchaskesinde ótken parlament saılaýynyń qorytyndysyn joqqa shyǵardy. Bul týraly 5 qarashada «Azattyq» radıosynyń grýzın qyzmeti málimdedi, dep habarlaıdy “Adyrna” ulttyq portalf.
Sot Grýzııanyń ońtústigindegi Tetrıkaro jáne alka oblystaryndaǵy kezdeısoq úsh saılaý ýchaskesiniń bıýlletenderimen daýys berý jaǵdaıyn qalpyna keltirdi. Eksperıment nátıjesinde bıýlletendiń artqy jaǵynda partııaǵa arnalǵan marker belgisi kórinetini belgili boldy.
Bul KOIB-ge (daýys sanaý mashınasy) bıýlleten engizilgende, sol mańda turǵan adamdar saılaýshynyń kimge daýys bergenin bile alatynyn bildiredi.
Grýzııanyń Ortalyq saılaý komıssııasynyń aýdandyq sottyń sheshimine shaǵymdanýǵa quqyǵy bar, biraq sarapshylar preedent qazirdiń ózinde qalyptasqanyn aıtady.
Daýys berý qupııasyn buzý týraly shaǵymdardy Grýzııanyń jas zańgerler qaýymdastyǵy berdi. Birlestik 2 myńnan astam saılaý ýchaskelerindegi saılaý nátıjelerin joıýdy talap etti. Tbılısı jáne basqa qalalardyń sottary shaǵymdardy qanaǵattandyrmady.
Edison Research Batys áleýmettaný ınstıtýty Grýzııadaǵy saılaý nátıjeleri qoldan jasalǵan degen qorytyndyǵa keldi.
Áleýmettanýshylardyń pikirinshe, ekzıt-poll men resmı nátıjeler arasyndaǵy 13 paıyzdyq alshaqtyq alaıaqtyqty kórsetedi. Edison Research esepteri boıynsha, «Grýzın armany» 40,9 paıyz, al oppozıııalyq partııalar 51,9 paıyz daýys alýy kerek edi.
Bıliktegi «Grýzın armany» partııasy parlamenttik saılaýda 53,9 paıyz daýys jınap, resmı túrde jeńiske jetti.
Taǵy tórt oppozıııalyq partııa bes paıyzdyq mejeni eńserdi. Olardyń barlyǵy saılaý nátıjelerin moıyndaýdan jáne parlamentke kirýden bas tartty. Oppozıııa jappaı narazylyq sherýlerin ótkizýde.
