Äleumettık jelıde ananyŋ balasyn jylu batareiasyna bailap, soqqyǧa jyǧyp jatqan sätı tüsırılgen video taraǧan edı. Balalardyŋ äkesı Tair Kurvanşanov oqiǧa barysyn baiandady, dep habarlaidy "Adyrna" ūlttyq portaly Stan.kz-ke sıltep.
Er adamnyŋ aituynşa, beinejazbany otbasymen bırge tūratyn synyptasy tüsırgen. Äiel ülken ūly kışı däretke jıberıp qoiǧany üşın balany tepkılep, auyr jaza qoldanǧan.
«Üide synyptas qyz bar, videony sol tüsırgen. Men dükennen kelgen soŋ oŋaşada körsettı. Videony körgennen keiın özım ony jan-jaqqa tarata bastadym», – dedı äkesı.
Tair Kurvanşanov pen äielı Mariianyŋ ekı balasy bar. Er adamnyŋ sözınşe, jūbaiynyŋ psihologiialyq diagnozy bar jäne soŋǧy ekı-üş aida mınez-qūlqy kürt özgergen. Būǧan deiın mūndai auyr soqqylar bolmaǧan, bıraq keide balalarǧa şapalaq ta jasaǧan.
Şamamen 15 kün būryn äke jūbaiymen zaŋdy türde ajyrasuǧa ötınış bergen, al qazır balalardyŋ qamqorlyǧyn özıne alu üşın aryz jazǧan.
Video taraǧan soŋ polisiia tekserıs jürgızıp, 28 jastaǧy äieldıŋ balaǧa dene jaraqatyn salǧanyn anyqtady. Atalǧan faktı boiynşa qylmystyq ıs qozǧalyp, äiel polisiia bölımşesıne jetkızıldı.
Qalalyq äkımdık mälımetınşe, erlı-zaiyptylardyŋ ekeuınde de jeŋıl aqyl-oi kemıstıgı diagnozy bar jäne olar psihonevrologiialyq dispanserlık esepte tūrǧan. Otbasy 18 qaŋtar künı tünde Otbasyn qoldau ortalyǧyna jetkızılgen.
