2025 jyldyŋ alǧaşqy ekı aiynda Batys Qazaqstan oblysynda 655 adam öŋırden tūraqty mekenjaiyn özgertıp, basqa jaqqa qonys audarǧan. Būl körsetkış ötken jyldyŋ säikes kezeŋımen salystyrǧanda aitarlyqtai joǧary, dep habarlaidy "Adyrna" ūlttyq portaly Uralskaia nedelia-ǧa sıltep.
2024 jyly öŋırden ketkenderdıŋ sany 453 adamdy qūrasa, biylǧy jyly būl körsetkış 200 adamǧa artqan. Tūrǧyndardyŋ köbı Astana men Almaty qalalaryna köşken. Respublika aumaǧyndaǧy köşı-qon nätijesınde oblys 647 adamǧa azaisa, şetelge tek 8 adam ǧana qonys audarǧan.
2025 jylǧy 1 nauryzdaǧy mälımet boiynşa, Batys Qazaqstan oblysynda 696 myŋ adam tūrady. Jalpy halyq sanyna būl özgerıster äzırge aitarlyqtai äser etpegenımen, köşı-qon ürdısınıŋ qarqyny alaŋdatarlyq deŋgeige jetıp otyr.
Sonymen qatar, öŋırde tuu körsetkışı de kürt tömendegen. 2025 jyldyŋ qaŋtar-aqpan ailarynda oblysta bar bolǧany 676 säbi düniege kelgen. Būl – 2024 jylǧy osy kezeŋmen salystyrǧanda 264 balaǧa az (ötken jyly – 940 säbi).
Sarapşylardyŋ pıkırınşe, halyqtyŋ köşuı men tuu körsetkışınıŋ tömendeuı bolaşaqta öŋırdıŋ äleumettık-ekonomikalyq damuyna kerı äser etuı mümkın.
