Nūr-Sūltanda Konstitusiia künıne orai baspana kezegınde tūrǧan adamdarǧa päter kıltı tabystaldy, dep habarlady elorda äkımdıgınıŋ resmi saity.
Osy joly ekı üidegı päterler ülestırıldı. Qazaqstan tūrǧyn üi kompaniiasynyŋ baǧdarlamasyna qatysqandar "Zamechatelnyi" tūrǧyn üi keşenınen baspana aldy. Olardyŋ ışınde medisina qyzmetkerlerı, pedagogtar, äleumettık qyzmetkerler, ört söndıruşıler, tärtıp saqşylary, mädeniet jäne sport qairatkerlerı bar. Al ata-anasyz qalǧan balalar, erekşe qajettılıkterı bar balalardy tärbielep otyrǧan otbasylar, tolyq emes jäne köpbalaly otbasylar Otbasy bankı arqyly Almaty audanynda ornalasqan jaŋa tūrǧyn üi keşenınen üi aldy. Resmi mälımetke säikes, soŋǧy üş jyldyŋ ışınde astanada qoljetımdı tūrǧyn üidıŋ sany 5,5 esege köbeidı. Mysaly, 2018 jyly 1800 äleumettık päter berılse, 2019 jyly 2 900 äleumettık päter, berılgen bolatyn. Al 2020 jyly 7 000-nan astam päter paidalanuǧa berıldı. Biyl 10 myŋ äleumettık päter salu josparlanyp otyr. Būdan bölek, tūrǧyn üi sertifikatynyŋ somasy 1 million teŋgeden 1,5 million teŋgege deiın ūlǧaitylyp otyr. Qazaqstandyq tūrǧyn üi kompaniiasynyŋ (QİK) baǧdarlamasy boiynşa qatysuşylar sanaty keŋeitıldı. Al "Jūmys ısteitın jastarǧa jalǧa berıletın tūrǧyn üi" baǧdarlamasy aiasynda jyl soŋyna deiın taǧy myŋnan astam jaldamaly päter berıledı.Ūqsas jaŋalyqtar
