Astana qalasy, Saryarqa aýdanynyń №2 aýdandyq soty Qaırat Boranbaev pen Roman Nahanovty myrzaqamaqqa aýystyrýdan bas tartty. Olar jańa jyldy ızolıatorda qarsy alady qarsy alady. Bul jaıly "Adyrna" ulttyq portaly habarlady.
Sot ókili Nazgúl Bapaqovanyń aıtýynsha, Astana qalasy, Saryarqa aýdanynyń No2 sotyna Qaırat Boranbaevtyń advokaty Danııar Qanafın men sottalýshy Roman Nahanovtyń advokaty Súleımenovten qamaýǵa alý jazasyn jeńildetýge ótinish kelip túsken. Olar aıyptylardyń jazasyn jeńildetip, úıqamaǵyna, myrzaqamaqqa aýystyrýdy suraǵan. Degenmen:
"Qorǵaýshylardyń ótinishhattarynda kórsetilgen ýájder joǵaryda atalǵan sottarda qaralǵan, Nahanov pen Boranbaevqa qatysty bultartpaý sharasyn ózgertýge negizder men jaǵdaılar joq", - dedi sot qazysy Nazgúl Bapaqova.
Osylaısha, is boıynsha eki aıyptalýshy – Qaırat Boranbaev pen Roman Nahanov – qamaýda, úshinshi aıyptalýshy – Taıyr Januzaq – myrzaqamaqqa alyndy.
2022 jyldyń 17 naýryzynda kásipker Qaırat Boranbaev kvazımemlekettik sektorda asa iri kólemdegi qylmysty - jymqyrý jasady degen kúdikpen qamaýǵa alynyp, ýaqytsha ustaý ızolıatoryna qamaldy.
30 qyrkúıekte oǵan qatysty is boıynsha tergeý aıaqtaldy, 30 jeltoqsanda Astanada kásipkerdiń soty bastaldy.
