2022 jyldan bastap «Qazaqstan halqyna» qoǧamdyq qory tūrǧyndarǧa qomaqty qaiyrymdylyq kömek körsetıp keledı.
Osy uaqyt ışınde jalpy somasy 11,3 mlrd teŋgege 24 äleumettık maŋyzy bar joba jüzege asyryldy. Būl jobalar densaulyq saqtau, bılım beru, mädeniet pen äleumettık qoldaudy qamtyp, tūrǧyndardyŋ ömır sapasyn arttyruǧa baǧyttalǧan.
Atalǧan qor Prezident Qasym-Jomart Toqaevtyŋ bastamasymen qūrylyp, 2022–2025 jyldarǧa arnalǧan jospar aiasynda Batys Qazaqstan oblysynyŋ halqyna keşendı qoldau körsetude. Osy joba aiasynda öŋırde 24 qaiyrymdylyq baǧdarlama ıske asyp jatyr. Jobalardyŋ oryndaluyn baqylau maqsatynda elordadan arnaiy kelgenqor ökılderı Dariian auylyndaǧy jaŋartylǧan kıtaphananyŋ jūmysymen tanysty.
Auyldyq kıtaphana – qor esebınen jöndelıp, zamanaui mädeniet oşaǧyna ainalǧan nysandardyŋ bırı. Jalpy, oblys kölemınde 25 auyldyq kıtaphana jaŋǧyrtyldy. Būl bastama auyl tūrǧyndarynyŋ köŋılınen şyǧyp, eŋbektegen baladan eŋkeigen qariiaǧa deiın qolaily orta qalyptastyrdy. Kıtaphanalarda balalar men jastarǧa arnalǧan türlı üiırmeler aşylyp, keluşıler sany arta tüstı.
«Qazaqstan halqyna» qorynyŋ aǧa menedjerı Dinara Nūrqasymovanyŋ aituynşa, qor qarajaty tiımdı ärı qajettı salalarǧa baǧyttaluda.
– Auyldyq kıtaphanalardy jaŋǧyrtu – auyl tūrǧyndarynyŋ bılımge, mädenietke qoljetımdılıgın arttyrady. Qazır kıtaphanalar jastardyŋ süiıktı ornyna ainalyp keledı. Türlı üiırmeler jūmys ıstep, oquşylar belsendı qatysuda, – dedı ol.
Dariian auylyndaǧy kıtaphanada bügınde pianino, toqyma, keste tıgu siiaqty üiırmeler belsendı jūmys ısteidı. Mektep oquşysy Sabina Estova aptasyna ekı ret kelıp, muzyka sabaǧyna qatysyp jürgenın aitty.
– Bızbeisenbı jäne jeksenbı künderı üiırmelerge kelemız. Öte qyzyqty. Men köpşık tıgıp, türlı būiymdar jasaudy üirendım, – deidı Sabina.
Atalǧan kıtaphana ötken jyldyŋ jeltoqsan aiynda paidalanuǧa berıldı. Osyndai jaŋartylǧan kıtaphanalar Peremetnyi, Ülken Şaǧan, Rubejka jäne Şapov auyldarynda da ıske qosylyp, halyq igılıgıne tapsyryldy.
Mädeniet salasyndaǧy jūmystarmen qatar, qor äleumettık qoldau baǧytyn da nazardan tys qaldyrmady. Dariian auylynan keiın qor ökılderı Syrym audanyna baryp, su tasqynynan zardap şekken tūrǧyndarǧa arnalǧan jaŋa üilerdıŋ qūrylys barysymen tanysty. Qor qarjysy esebınen barlyǧy 114 jaŋa üi salyndy. Būl üiler Jympity, Öleŋtı, Būldyrty jäne Közdıqara auyldarynda boi köterıp, ielerıne tabystaldy. Qonys ielerı jaŋa baspanalarǧa köşıp, jaily ömır süru mümkındıgıne ie boldy.
– Jaŋǧyrtylǧan kıtaphanalar bügıngı kün talabyna saikeletın, tek kıtap oquǧa arnalǧan emes, jan-jaqty mädenişaralar ötkızıletın ortalyqqa ainaldy. Qordyŋ qoldauynaalǧysymyz şeksız - deidı Audandyq ortalyqtandyrylǧan kıtaphanalar jüiesınıŋ direktory Jeŋısgül Tanabaeva.
Al auyl tūrǧyny Nauran Sarbalaqov,
jaŋadan jöndelgen kıtaphana tūrǧyndarǧa ūnaitynyn aityp, balalarynyŋ da jiı keletının atap öttı.
