Şymkentte äleumettık jäne kölık infraqūrylymy salasyndaǧy bırden üş ırı jobany ıske asyru bastaldy. Qalada auysymyna 500 adam qabyldaityn jaŋa emhana men №2 qalalyq köpbeiındı auruhananyŋ 80 tösek-orynǧa arnalǧan qosymşa korpusynyŋ qūrylys alaŋdarynda kapsula salu räsımı öttı.
Sonymen qatar ūzyndyǧy 50 şaqyrym bolatyn ainalma avtomobil jolynyŋ qūrylysyna start berıldı. Atalǧan jobalar Memleket basşysynyŋ tapsyrmasy boiynşa jüzege asyryluda. Olar halyq sanynyŋ ösuıne bailanysty infraqūrylymǧa artqan qajettılıktı qamtamasyz etuge baǧyttalǧan. Is-şaralarǧa qala äkımı Ǧabit Syzdyqbekov qatysty.
«Shymkent City» şaǧynaudanynda auysymyna 500 adam qabyldaityn jaŋa emhana salynady. Medisinalyq mekeme 30 myŋnan astam tūrǧynǧa qyzmet körsetedı. Mūnda eresekter jäne balalar bölımderı, äielder konsultasiiasy, otbasylyq densaulyq ortalyǧy, klinikalyq-diagnostikalyq zerthana, KT jäne MRT kabinetterı, endoskopiia jäne rentgenodiagnostika kabinetterı ornalasady.
Sondai-aq 20 oryndyq kündızgı stasionar, ambulatoriialyq hirurgiia ortalyǧy jäne oŋaltu bölımı qarastyrylǧan. Jobalau kezınde balalar men otbasylarǧa medisinalyq qyzmet körsetuge erekşe köŋıl bölıngen. Balalar bölımşelerı jeke liftterı men kütu aimaqtary bar bır qabatqa ornalastyrylady. Bes jasqa deiıngı balalarǧa kütım jasau jäne patronaj qyzmetı ūiymdastyrylyp, jüktı äielder men bosanǧannan keiıngı analardyŋ densaulyǧyna baqylau jürgızıledı.
Qalalyq #2 köpbeiındı auruhananyŋ qosymşa korpusy 80 tösek-orynǧa eseptelgen. Auruhana jyl saiyn şamamen 20 myŋ nauqasty qabyldap, neirohirurgiia, kardiologiia, insulttık kömek, reanimasiia jäne perinataldyq medisina baǧyttary boiynşa medisinalyq qyzmet körsetedı.
Jaŋa ǧimaratta neirohirurgiia jäne kardioreanimasiia baǧyttary damytylyp, insult, infarkt jäne jedel koronarlyq sindromǧa şaldyqqan nauqastarǧa medisinalyq kömek körsetu mümkındıgı keŋeiedı. Jaŋa korpus qoldanystaǧy stasionarlyq jäne perzenthana korpustarymen jabyq galereia arqyly jalǧanyp, bıryŋǧai medisinalyq klaster qūrylady.
Sonymen qatar qalada ūzyndyǧy 50 şaqyrym bolatyn ainalma avtomobil jolynyŋ qūrylysy bastaldy. Tört jolaqty magistral Almaty–Termez avtomobil joly arqyly Almaty baǧytynan Şymkentke kıreberıstı Soltüstık ainalma jolmen jäne Taşkent baǧytyna şyǧatyn jolmen bailanystyrady.
Jaŋa jol halyqaralyq jäne respublikalyq tranzittık kölıkterdı qalanyŋ eldı meken aumaǧynan tys baǧyttauǧa arnalǧan. Būl kölık aǧyndaryn qaita böluge, negızgı köşelerdegı jüktemenı azaituǧa jäne qala ışındegı jük kölıkterınıŋ qozǧalysyn qysqartuǧa mümkındık beredı.
Joba intellektualdy kölık jüielerın jäne qajettı injenerlık infraqūrylymdy qamtidy. Qūrylys kezeŋınde 500-den astam jūmys orny aşylady. Jol paidalanuǧa berılgennen keiın ony kütıp-ūstauǧa şamamen 100 maman tartylady.
Qala äkımı Ǧabit Syzdyqbekov Şymkenttıŋ damuy äleumettık jäne kölık infraqūrylymyn qatar keŋeitudı talap etetının atap öttı.
«Prezidenttıŋ tapsyrmasyna säikes Şymkenttıŋ jaily ömır süruıne jäne odan ärı damuyna qajettı infraqūrylymdy kezeŋ-kezeŋımen damytyp kelemız. Jaŋa medisinalyq nysandar tūrǧyndarǧa medisinalyq kömek körsetu mümkındıgın keŋeitse, ainalma jol tranzittık kölıktı qala aumaǧynan tys baǧyttap, jol jelısıne tüsetın jüktemenı azaituǧa mümkındık beredı», – dedı Ǧabit Syzdyqbekov.
Aita keteiık, atalǧan jobalardy ıske asyru medisinalyq kömektıŋ qoljetımdılıgın arttyryp, qalalyq densaulyq saqtau jüiesınıŋ mümkındıkterın keŋeituge jäne kölık qatynasyn jaqsartuǧa mümkındık beredı. Būl öz kezegınde Şymkenttıŋ odan ärı damuyna qajettı jaǧdai qalyptastyrady.
