Būl künderı koronavirus pandemiiasynyŋ auyly alystar emes. Qazır Şymkent qalasynda Tötenşe jaǧdai alynǧanymen, karantin saqtaluda. Sondyqtan, mamandar ūsynyp otyrǧan qarapaiym saqtyq şaralaryna män berıp, barlyq talaptardy oryndau maŋyzdy bolyp otyr.
Äleumettık jelıde tūrǧyndardan köptegen saualdar tüsıp, qaladaǧy densaulyq saqtau basqarmasynyŋ mamandary jauap berıp keledı. Bügınge deiın tüsıp ülgergen sūraqtardy saralai kelıp, ırıktelgen alty sūraqqa jauap ızdep kördık. Osyǧan bailanysty Şymkent qalasy Densaulyq saqtau basqarmasynyŋ joǧary sanatty därıger-epidemiology Maşirov Qojahmet Namazbaiūlymen bolǧan sūhbatty nazarlaryŋyzǧa ūsynamyz.
- Simptomsyz koronavirus nesımen qauıptı?
- Eşqandai simptomy joq nauqastar da virus taratuy mümkın. Bırınşıden, olardy medisinalyq tılmen aitqanda virus tasymaldauşylar dep ataidy, ekınşıden, ondai nauqastar 14 kün baqylauda boluy kerek. Sebebı aurudyŋ belgılerı 14 kün ışınde baiqaluy mümkın.
- Eşqandai simptomy joq infeksiia jūqtyrǧan adam virusty tarata ma?
- Simptomsyz koronavirustyŋ eŋ qauıptılıgı, ol adam özınıŋ de auyrǧanyn bılmeidı jäne özınıŋ ainalasyndaǧy adamdar (janūia müşelerı, jūmystaǧy ärıptesterı) jäne qorşaǧan ortaǧa taratyp, künıne bırneşe adamǧa jūqtyruy mümkın.
- İnfeksiia jūqtyrǧan adam qai kezde aurudan aiyqqan bolyp sanalady?
- Nauqas tolyq emdelıp şyqqannan keiın klinikalyq belgılerı tolyq joiylyp, odan keiın alynǧan analiz nätijesı terıs bolǧan kezde tolyq aiyqqan bop esepteledı.
- Koronavirus pen tūmaudyŋ aiyrmaşylyǧy? COVID-19 dertınıŋ simptomdary qandai?
- Koronavirustyŋ da, tūmaudyŋ da qozdyrǧyşy virus. Ekeuı de infeksiialyq jūqpaly aurular. Bıraq qozdyrǧyş virustary ärtürlı. Tūmau virusy tek qana aua tapşylyǧy jolymen jūǧatyn bolsa, koronavirus aua tapşylyǧy jäne qatynas arqyly jūǧady. Ekınşı erekşılıgı tūmaudyŋ inkubasiialyq kezeŋı 5-7 kün, al koronavirustyŋ būl kezeŋı 14 künge sozylady.
- Tūmauǧa qarsy saldyrǧan ekpe COVID-19 virusynan qorǧai ma?
- Joq, qorǧamaidy. Bır infeksiiaǧa arnalǧan ekpe ekınşı bır infeksiiadan qorǧamaidy.
- Virus jūqtyrudan qalai saqtanuǧa bolady?
- Qoǧamdyq oryndarda mındettı türde betperde kiiu, qoldy antiseptik qūraldarymen zalalsyzdandyru, araqaşyqtyq saqtau jäne jeke bas gigienasyn saqtau qajet.
Şymkent
Ūqsas jaŋalyqtar
