Şäkır Keikin Atyrau qalasynyŋ äkımı qyzmetınen öz erkımen bosatyldy. Būl aqparatty Atyrau oblysy äkımdıgınıŋ baspasöz qyzmetı rastady, dep habarlaidy “Adyrna”.
"Öz erkımen qyzmetınen bosatyldy", - dep naqtylady baspasöz qyzmetı.
Şäkır Keikin Atyrau qalasynyŋ äkımı qyzmetıne 2023 jylǧy 10 şıldede taǧaiyndalǧan edı. Qazırgı taŋda qala äkımınıŋ ornyna kım keletını äzırge belgısız.
Şäkır Keikin 1970 jyly Atyrau oblysynyŋ Jylyoi audanynda düniege kelgen. 1993 jyly Qazaq politehnikalyq institutyn "tau-ken injenerı" mamandyǧy boiynşa bıtırgen.
Eŋbek jolyn 1993 jyly Qūlsary qalasyndaǧy "Teŋızmūnaikomplekt" JŞS kommersiialyq bölımınıŋ brokerı bolyp bastaǧan. Memlekettık qyzmette 2008 jyldan berı jūmys ıstep keledı.
Är jyldary Qosşaǧyl auyldyq okrugınıŋ äkımı, Qūlsary qalasynyŋ äkımı, Atyrau qalalyq TÜKŞ, jolauşylar kölıgı jäne avtomobil joldary bölımınıŋ basşysy, Atyrau qalasy äkımınıŋ orynbasary qyzmetterın atqardy.
2019 jyldyŋ qyrküiegınen 2022 jyldyŋ nauryzyna deiın Maqat audanynyŋ äkımı boldy.
Atyrau äkımı bolyp taǧaiyndalǧanǧa deiın Sauda jäne integrasiia ministrlıgı Sauda departamentınıŋ basşysy bolyp jūmys ıstedı.
Būǧan deiın Ūlttyq qauıpsızdık komitetı Tılek Mahuovqa qatysty sotqa deiıngı tergeu jürgızılıp jatqanyn rastaǧan. BAQ pen Telegram-arnalarda onyŋ ūstalǧany jäne para aldy degen küdıkke ılıngenı turaly aqparat taraǧan. Alaida ŪQK tergeudıŋ män-jaiyn jariialamady.
Mahuov ūstalǧannan keiın Şäkır Keikinnıŋ köpşılık aldyna sirek şyǧuy tūrǧyndardyŋ nazaryn audarǧan. Sol kezde qala äkımdıgınıŋ baspasöz qyzmetı äkımnıŋ eŋbekke jaramsyzdyq boiynşa demalysta ekenın habarlaǧan bolatyn.
