Premer-Mınıstrdiń orynbasary – Sý tasqynyna qarsy is-sharalardy úılestirý jáne sý tasqyny kezeńiniń zardaptaryn joıý jónindegi respýblıkalyq shtab basshysynyń orynbasary Qanat Bozymbaev Atyraýda tótenshe jaǵdaı rejımin engizý josparlanyp otyrǵanyn aıtty, dep habarlaıdy “Adyrna” ulttyq portaly. Bul týraly Mádenıet jáne aqparat vıe-mınıstri Qanat Ysqaqov málimdedi.
«Meniń oıymsha, biz birinshi kezekte Atyraý qalasynda tótenshe jaǵdaı jarııalaımyz. Qulsaryda da jarııalanǵandaı, Atyraýda da jarııalanady. Biraq árıne adamdardy dúrliktirý úshin emes. Búginde Jaıyq ózenindegi tasqynmen kúresý josparyn jasap jatyrmyz. Óıtkeni qazir Reseı Federaııasynan keletin aǵyn sýlardyń tekshe metri 3 myńdy qurasa, aldaǵy ýaqytta 4-4,5 myń bolýy múmkin. Al bul sýdyń Atyraýǵa jetýine 20-daı kún bar. Sondyqtan Atyraýǵa jetkenshe barlyq bógetterimizdi nyǵaıtyp, qajetti kanaldardy qazyp, sýdy qaıtarýǵa daıyn bolýymyz kerek», - dedi Bozymbaev senbi kúni.
Aıta keteıik, eldegi sý tasqyny saldary áli de seıiler emes. Aımaqtar tasqyn sýdyń astynda qalyp, toǵyz oblysta (Abaı, Aqmola, Aqtóbe, Atyraý, Batys Qazaqstan, Qaraǵandy, Qostanaı, Pavlodar, Ulytaý) jergilikti tótenshe jaǵdaı rejımi jarııalandy. Prezıdent Qasym-Jomart Toqaev tabıǵı apatqa qatysty qazaqstandyqtarǵa úndeý joldady.
