Premer-Ministrdıŋ orynbasary – Su tasqynyna qarsy ıs-şaralardy üilestıru jäne su tasqyny kezeŋınıŋ zardaptaryn joiu jönındegı respublikalyq ştab basşysynyŋ orynbasary Qanat Bozymbaev Atyrauda tötenşe jaǧdai rejimın engızu josparlanyp otyrǧanyn aitty, dep habarlaidy “Adyrna” ūlttyq portaly. Būl turaly Mädeniet jäne aqparat vise-ministrı Qanat Ysqaqov mälımdedı.
«Menıŋ oiymşa, bız bırınşı kezekte Atyrau qalasynda tötenşe jaǧdai jariialaimyz. Qūlsaryda da jariialanǧandai, Atyrauda da jariialanady. Bıraq ärine adamdardy dürlıktıru üşın emes. Bügınde Jaiyq özenındegı tasqynmen küresu josparyn jasap jatyrmyz. Öitkenı qazır Resei Federasiiasynan keletın aǧyn sulardyŋ tekşe metrı 3 myŋdy qūrasa, aldaǧy uaqytta 4-4,5 myŋ boluy mümkın. Al būl sudyŋ Atyrauǧa jetuıne 20-dai kün bar. Sondyqtan Atyrauǧa jetkenşe barlyq bögetterımızdı nyǧaityp, qajettı kanaldardy qazyp, sudy qaitaruǧa daiyn boluymyz kerek», - dedı Bozymbaev senbı künı.
Aita keteiık, eldegı su tasqyny saldary älı de seiıler emes. Aimaqtar tasqyn sudyŋ astynda qalyp, toǧyz oblysta (Abai, Aqmola, Aqtöbe, Atyrau, Batys Qazaqstan, Qaraǧandy, Qostanai, Pavlodar, Ūlytau) jergılıktı tötenşe jaǧdai rejimı jariialandy. Prezident Qasym-Jomart Toqaev tabiǧi apatqa qatysty qazaqstandyqtarǧa ündeu joldady.
Ūqsas jaŋalyqtar
