Bıyl Atyraýda tenderdiń kesh ótkizilýine baılanysty kósheler men saıabaqtarda dezınsekııalaý jumystary bir aı kesh bastaldy. Soǵan qaramastan, masamen kúresýge bıýdjetten 130 mıllıon teńge bólindi, dep habarlaıdy “Adyrna” ulttyq portaly.
Sáýir aıynda Atyraýda 1100-den astam kópqabatty úılerdiń jertóleleri men kireberisterin óńdeý jumystary bastaldy. Olardyń kóbisi sý astynda qalyp, onda masalar kóbeıedi. Dezınfektorlardyń aıtýynsha, buǵan kóktemde jaýǵan jaýyn-shashyn sebep.
«Dezınfektorlar belgilengen segiz saǵat qana emes, ústeme jumys isteıdi. Jabdyq pen kerek-jaraq jetkilikti. Búgingi tańda 23 qyzmetkerimizdiń 20-sy masa aýlaýmen aınalysady. Bul 10 brıgada», - deıdi «AG Dezinfection Services» JShS dırektorynyń orynbasary Nurlybek Ahmedııarov.
Búrkýge qoldanylatyn barlyq preparattar memlekettik saraptamadan jáne synaqtardan ótken. Epıdemıolog Gúlmıra Hodjıbekovanyń aıtýynsha, hımııalyq zattardyń adamǵa da, ósimdikterge de zııany joq, janýarlar da zardap shekpeıdi.
«Turǵyndarǵa óz aımaǵyndaǵy jumystardyń bastalýy týraly eskertýge tyrysamyz. Ótken jyly adamdar koronavırýs sepken degen jalǵan habardy estip, óńdeýge tyıym salǵan jaǵdaılar boldy», - deıdi Gúlmıra Hodjıbekova.
Masalardyń taǵy bir máselesi - olardyń hımııalyq zattarǵa tez beıimdelýi. Dárilerdi mezgil-mezgil ózgertý kerek. Mamandar Atyraýda masalardyń úsh túri kezdesetinin atap ótti: Kaspıı teńiziniń jaǵalaýynda ósetin óte iri Caspius aedes, úıdegi Culex pipiens jáne Pipiens pipiens.
”Adyrna” ulttyq portaly
