Qazaq Air áýekompanııasynyń ushaǵy Atyraýǵa apatty jaǵdaıda qonǵan. Bul týraly áýekompanııanyń habarlamasynda aıtyldy, dep habarlaıdy “Adyrna” ulttyq portaly.
Ushaq Aqtóbeden Bakýge qaraı bet alǵan. Atyraýǵa qoný týraly jospar múlde bolmaǵan.
«37 jolaýshysymen ushaq 5 aqpan kúni Astana ýaqytymen saǵat 19:21-de qondy. Aıaqastynan ushaqtyń qonýyna ishtegi jolaýshynyń birinen qan ketý sebep bolǵan. Ekıpaj alǵashqy kómek kórsetkennen keıin jaqyn mańdaǵy áýejaıǵa qoný kerek dep sheshim qabyldaǵan. Ushaq qonǵannan keıin jolaýshyny jedel járdem qyzmeti kelip alyp ketken», – delingen áýekompanııa habarlamasynda.
Dál qazir jolaýshynyń ómirine eshqandaı qaýip tónip turǵan joq.
