Foto: Report
Qazaqstanda halyqaralyq kölık dälızderın damytuǧa baǧyttalǧan 55 joba jüzege asyrylmaq. Olardyŋ jalpy investisiialyq qūny 32,6 mlrd AQŞ dollaryn qūraidy. Sonyŋ ışınde Orta dälız jobalaryna 12 mlrd dollardan astam qarjy bölu josparlanyp otyr.
Būl turaly Euraziialyq damu bankınıŋ (EADB) İntegrasiialyq zertteuler ortalyǧynyŋ aǧa sarapşysy Aidos Omarov «Euraziiadaǧy kölık dälızderınıŋ infraqūrylymy: damu qorytyndylary jäne negızgı investisiialyq ürdıster» atty prezentasiia barysynda mälımdedı.
Sarapşynyŋ aituynşa, Qazaqstan geografiialyq ornalasuynyŋ arqasynda Ortalyq Aziiadaǧy ǧana emes, bükıl Euraziiadaǧy ırı kölık habtarynyŋ bırıne ainalyp otyr.
Elımızde kölık dälızderınıŋ infraqūrylymyn damytuǧa arnalǧan şamamen 55 joba bar. Olardyŋ jiyntyq qūny 32,6 mlrd dollardy qūraidy. Būl Ortalyq Aziiadaǧy jalpy investisiialyq portfeldıŋ jartysyna juyǧy.
İnvestisiialardyŋ eŋ ülken bölıgı avtomobil joldaryn damytuǧa baǧyttalady. Būl maqsatqa şamamen 22,7 mlrd dollar qarastyrylǧan. Al temırjol infraqūrylymyn damytuǧa 6 mlrd dollardan astam qarjy jūmsalmaq.
Qazaqstandaǧy kölık infraqūrylymy jobalary bırneşe qarjylandyru közı arqyly ıske asyrylady.
Atap aitqanda, 21 joba ūlttyq biudjet esebınen qarjylandyrylady. Taǧy 34 joba qaryzdyq qarjylandyru tetıgı arqyly jüzege asyrylsa, 14 jobaǧa halyqaralyq qarjy instituttary qatysady.
Mūndai qarjylandyru qūrylymy ırı infraqūrylymdyq jobalardy kezeŋ-kezeŋımen ıske asyruǧa mümkındık beredı.
Qazaqstandaǧy kölık infraqūrylymyn damytu bırneşe strategiialyq baǧytty qamtidy. Olardyŋ qatarynda TRASEKA, Ortalyq Euraziialyq jäne Orta dälız baǧyttary bar.
İnvestisiia kölemı boiynşa TRASEKA dälızı aldyŋǧy qatarda tūr. Būl baǧytqa şamamen 16 mlrd dollar qarajat qajet. Ortalyq Euraziialyq dälızge de soǧan şamalas kölemde investisiia salu josparlanǧan.
Al Orta dälızdı damytuǧa 12 mlrd dollardan astam qarjy baǧyttalmaq.
Orta dälızdıŋ negızgı artyqşylyǧy – Aziia men Europany Kaspii teŋızı, Kavkaz jäne Türkiia arqyly bailanystyratyn balama tranzittık baǧyt boluy. Qazaqstan būl dälızdıŋ maŋyzdy buyny retınde kölık infraqūrylymyn jaŋǧyrtuǧa jäne tranzittık mümkındıkterın arttyruǧa basymdyq berıp otyr.
