Köptegen elde sol memlekettı qūruda basty röl oinaǧan tūlǧalar bolady.
Kez kelgen körnektı tūlǧa siiaqty ädette olar turaly qoǧamda qarama-qaişy pıkır bolǧanymen tarihi tūrǧydan memlekettı qūrudaǧy rölı men qyzmetı atalyp, belgılı bır deŋgeide därıpteledı, tıptı keibır elder ideologiialyq sebeptermen täu etetın därejege jetkızedı. Köbıne mūndai tūlǧa retınde jalǧyz adam atalyp, memleket qūruǧa eŋbegı sıŋgen basqa qairatkerler onyŋ köleŋkesınde qalyp qoiady. Tek keibır memleketterde ǧana bırneşe tūlǧa memlekettı qūruşy qairatker retınde ūlyqtalady.
AQŞ-tyŋ täuelsızdıgın alyp, memlekettılıgın qalyptastyrǧan tūlǧalardy “The Founding Fathers” – qazaqşaǧa tıkelei audarǧanda «negızdeuşı äkeler» dep ataityny belgılı. Tarihşylar arasynda olardyŋ qataryna kımder kıretını turaly diskussiia jalǧasuda. Degenmen keŋ taraǧan konsensusqa säikes jetı tūlǧa basty “negızdeuşı äkeler” retınde atalady. Azattyq äskerınıŋ qolbasşysy Dj. Vaşington, Täuelsızdık deklarasiiasynyŋ avtory T. Djeferson, AQŞ-tyŋ halyqaralyq arenada moiyndaluyn qamtamasyz etken B. Franklin men Dj. Adams, memlekettegı saiasi jüienıŋ konsepsiiasyn däiektegen Federalisterdıŋ jazbalary avtorlary A. Gamilton (ärı qarjy jüiesın qalady), Dj. Djei (ärı sot jüiesın qūrdy) jäne Dj. Medison (Konstitusiiany äzırledı).
Qazaqstan jaǧdaiynda osyǧan deiın memleket qūruşy tūlǧa retınde tek N. Nazarbaev ataldy. Eger bügın Türkıstan gazetıne bergen sūhbatta aitqan oiyn ıske asyryp, jaŋa jäne sapaly Konstitusiia qabyldanatyn bolsa, onda bolaşaqta Q. Toqaev ta memlekettıŋ negızın qalauşy tūlǧa retınde qabyldanatyn şyǧar.
Bilık tarmaqtary bölıngen, memlekettık instituttar arasynda tejemelık pen tepe-teŋdık saqtalǧan, bilık almasu prosesınıŋ beibıt jüru şarttary qamtamasyz etılgen, är jyldary orynsyz özgerıster engızuden qorǧaityn tetıkterı bar Konstitusiia äzırlengen jaǧdaida Ata zaŋnyŋ küşı jürıp tūrǧan jyldary onyŋ avtory da eske alynatyny anyq.
Ūqsas jaŋalyqtar
