Qazaqstan Prezidentı Qasym-Jomart Toqaevtyŋ tapsyrmasy boiynşa Parlament Senatynyŋ töraǧasy Mäulen Äşımbaev İrannyŋ Astanadaǧy elşılıgıne baryp, İran halqyna jäne qaza tapqandardyŋ tuystaryna Qazaqstan atynan köŋıl aitty, dep habarlaidy "Adyrna" ūlttyq portaly.
Senat töraǧasy İrannyŋ Qazaqstandaǧy Tötenşe jäne Ökılettı elşısı Äli Akbar Djoukarmen kezdesıp, Qazaqstan tarapy bolǧan oqiǧaǧa bailanysty tereŋ alaŋdauşylyq bıldıretının jetkızdı.
Qaiǧyly jaǧdai saldarynan İrannyŋ joǧarǧy ruhani köşbasşysy Seied Äli Hamenei, el basşylyǧynyŋ bırqatar ökılderı jäne beibıt tūrǧyndar, onyŋ ışınde balalar qaza tapqany habarlandy. Kezdesu barysynda Mäulen Äşımbaev Qazaqstan Prezidentı halyqaralyq daulardy tek saiasi jäne diplomatiialyq jolmen şeşudı qoldaitynyn atap öttı. Sondai-aq Qazaqstan halyqaralyq qūqyq normalaryn jäne Bırıkken Ūlttar Ūiymy jarǧysyn qataŋ saqtau qajet degen ūstanymdy qoldaityny aityldy.
Senat töraǧasy İrannyŋ Qazaqstan üşın jaqyn körşı ärı senımdı serıktes ekenın aityp, elımızdıŋ aimaqtaǧy janjaldy beibıt jolmen retteuge öz ülesın qosuǧa daiyn ekenın jetkızdı.
Eske sala keteiık, 28 aqpanda İzrail İran aumaǧyna auqymdy äskeri şabuyl jasaǧan. Keiın Donald Tramp İranǧa qarsy äskeri operasiianyŋ bastalǧanyn mälımdedı. Jauap retınde Tegeran Taiau Şyǧystaǧy jäne İzrail aumaǧyndaǧy amerikalyq äskeri bazalarǧa soqqy jasaǧan.
