2023 jyldyŋ 27 qaraşasynda Jaisaŋ kenışınde bolǧan toptyq apatqa bailanysty "Qazaqmys" kompaniialar tobynyŋ basşylyǧy korporasiianyŋ barlyq jerasty kenışterındegı tau-ken jäne kürdelı jūmystardy toqtatu turaly şeşım qabyldady, dep habarlaidy “Adyrna” ūlttyq portaly.
Kenışterde ışkı eksporttyq komissiia inspeksiialary qūryldy. Komissiialardy käsıporyndardyŋ bas injenerlerı basqarady. Bastalǧan tekserıster öndırıstık ereje būzuşylyqtardy, sondai-aq eŋbektı qorǧau jäne qauıpsızdık salasyndaǧy ereje būzuşylyqtardy egjei-tegjeilı anyqtauǧa baǧyttalǧan. Käsıporyndardyŋ jūmysyn toqtatu barlyq ereje būzuşylyqtar anyqtalyp, joiylǧanǧa deiın jalǧasady.
Kompaniia basşylyǧy tekserıstıŋ barlyq kezeŋı üşın toqtatylatyn şahta brigadalaryna eŋbekaqyny tolyq töleu turaly şeşım qabyldady.
Komissiialardyŋ jūmysy aiaqtalyp, barlyq män-jailar naqtylanǧannan keiın tekseru nätijelerı eŋbek ūjymdaryna jetkızıledı, sondai-aq eŋbek qauıpsızdıgın odan ärı küşeitu şaralary qabyldanady.
