Foto: 24.kg
VI Düniejüzılık köşpendıler oiyndarynyŋ altynşy jarys künınde Qazaqstan qūramasy qorjynyna bırqatar jülde qosty. Nätijesınde ūlttyq qūramanyŋ altyn medal sany 32-ge jettı.
Bügın sportşylar kökpar, kökbörı, toǧyzqūmalaq, mangala jäne ovari boiynşa baq synady.
Ziiatkerlık sport türlerındegı şeşuşı bäsekelerde qazaqstandyqtar joǧary nätije körsettı. Toǧyzqūmalaqtan el sportşylary 4 altyn jäne 2 kümıs medal jeŋıp aldy. Al mangala jarysynda Qazaqstan qūramasynyŋ ökılderı 2 altyn, 2 kümıs jäne 1 qola jüldege qol jetkızdı.
Afrika halyqtarynyŋ dästürlı ziiatkerlık oiyny sanalatyn ovari saiysynda da qazaqstandyq sportşylar jülde ielendı.
Al kökbörıden finaldyq kezeŋde Qazaqstan men Qyrǧyzstan qūramalary kezdestı. Tartysty ötken şeşuşı oiynda qyrǧyz sportşylary basym tüsıp, altyn medaldı jeŋıp alǧan bolatyn. Qazaqstan qūramasy jarysty kümıs jüldemen aiaqtady.
Osylaişa, VI Düniejüzılık köşpendıler oiyndarynda Qazaqstan qūramasynyŋ qorjynyndaǧy altyn medal sany 32-ge jettı.
