Aichi-Nagoiada (Japoniia) ötıp jatqan Aziia Para oiyndarynda Qazaqstan qūramasynyŋ qorjyny tört altyn medalmen tolyqty. Būl turaly 21 qazanda Ūlttyq olimpiadalyq komitet jazdy, dep habarlaidy «Adyrna» tılşısı.
Aqtolqyn Seiılbekova para dziudodan J1 sanatynda 70 kelıden joǧary salmaqta ainalmaly jüie boiynşa beldesuler ötkızıp, tört kezdesude de jeŋıske jettı. Osylaişa altyn medal jeŋıp aldy.
Zarina Raifova J2 sanatynda 70 kelıden joǧary salmaqta ainalmaly jüie boiynşa tört kezdesu ötkızıp, barlyǧynda qarsylasynan basym tüstı.
Ūlttyq qūrama qorjynyna taǧy bır altyn medaldı veloşabandoz Nail Ermuhanbet saldy. Otandasymyz B sanatynda 20 şaqyrymdyq jekelei uaqytqa jarysuda 34 minut 09,17 sekund nätijesımen bırınşı oryn aldy.
Däl osy jarysta Kirill İliukevich 35 minut 26,64 sekund uaqyt körsetkışımen kümısten alqa taqty.
Äielder arasynda Anastasiia Kalaus V sanatynda 15 şaqyrymdyq jekelei uaqytqa jarysta 32 minut 21,54 sekund körsetkışımen jeŋımpaz atandy.
Jeŋıl atletikadan İslam Sälımov T13 sanatynda ūzyndyqqa sekıru saiysynda kümıs jülde ielendı. Onyŋ üzdık körsetkışı - 6,30 metr.
Sadaq atudan da Qazaqstan qorjynyna alǧaşqy medal tüstı. Temırlan Seiıtqamal jäne Nūrşat Töleuqasym W1 sanatynda jūptyq saiysta finalǧa deiın jetıp, Qytai qūramasyna jol berdı. Osylaişa otandastarymyz jeŋıs tūǧyrynyŋ ekınşı satysyna köterıldı.
Sondai-aq Mahambet Serıkqaliev F53 sanatynda iadro serpuden 6,81 metr nätijemen üzdık üştıktı tüiındep, qola medalǧa ie boldy.
Osylaişa, ūlttyq qūrama qorjynynda 31 medal bar. Onyŋ toǧyzy - altyn, ony - kümıs, on ekısı - qola jülde.
