Elımızdıŋ jülde qorjyny 6 altyn, 2 kümıs medal jäne 1 "Üzdık medalonmen" tolyqty.
E4-9 qazan aralyǧynda Aqtau qalasynda Jūmysşy mamandyqtar jyly aiasynda ötken TurkicSkills-2025 chempionatyna Türkiia, Äzerbaijan, Majarstan, Özbekstan, Qyrǧyzstan jäne Qazaqstannan 70-ke juyq kolledj studentterı men jas maman qatysty. Olar injeneriia, aqparattyq tehnologiialar, öndırıs, robototehnika jäne qyzmet körsetu salalaryn qamtityn 10 qūzyrettılık boiynşa baq synady.
Jarystyŋ jabylu räsımınde söz söilegen QR Oqu-aǧartu vise-ministrı Asylbek Ahmetjanov būl chempionattyŋ türkıtıldes memleketterdıŋ tehnikalyq jäne käsıptık bılım beru ūiymdarynyŋ arasynda Qazaqstannyŋ bastamasymen alǧaş ret auqymdy türde ūiymdastyrylǧanyn atap öttı.
"TurkicSkills chempionaty – türkıtıldes memleketter arasyndaǧy tehnikalyq jäne käsıptık ūiymdar yntymaqtastyǧynyŋ jaŋa kezeŋıne jol aşatyn maŋyzdy şara. Būl künder dostyq pen özara tüsınıstıktıŋ, yntymaqtastyq pen täjıribe almasudyŋ jarqyn ülgısıne ainaldy", – dep atap öttı vise-ministr.WorldSkills International keŋesınıŋ müşesı Rei İngliş Qazaqstannyŋ halyqaralyq deŋgeidegı äleuetın erekşe atap öttı.
"Chempionatynyŋ auqymy men ūiymdastyrylu sapasy – Qazaqstannyŋ älemdık deŋgeidegı käsıbi şeberlık saiystaryn ötkızuge tolyq daiyn ekenın körsetedı. Būl täjıribe bolaşaqta WorldSkills nemese WorldSkills Europe siiaqty halyqaralyq jarystardy qabyldauǧa mümkındık beredı", – dedı ol.Chempionatty tamaşalauǧa 5 myŋnan astam adam keldı, kolledjder men käsıporyndar arasynda 100-ge juyq yntymaqtastyq memorandumy jasaldy.
