Aq üi basşysy Donald Tramp Fransiiadaǧy jappai köşı-qon jaǧdaiy baqylaudan şyǧyp ketkenın mälımdep, islamnyŋ būl eldı «jaulap aluǧa» ūmtylyp jatqanyn aitty. Būl turaly amerikalyq köşbasşy özınıŋ Truth Social äleumettık jelısındegı paraqşasynda jazdy, dep habarlaidy «Adyrna» tılşısı.
«Fransiiada bolyp jatqan jaǧdai – baqylaudan şyqqan jappai köşı-qonnyŋ saldary. Mäsele mektepterde emes, islamnyŋ bır kezderı ūly memleket bolǧan eldı jaulap aluǧa ūmtyluynda!» – dep jazdy Tramp.
AQŞ prezidentınıŋ būl mälımdemesı Fransiiada oquşylar men studentterdıŋ jappai narazylyq şerulerı jürıp jatqan kezeŋde aityldy. Narazylyqtar qyrküiek aiynda Parij maŋyndaǧy audandarda bastalyp, keiın bükıl elge taraǧan bolatyn.
5 qazanda Fransiianyŋ bılım ministrı Eduar Jeffre şeruler bastalǧaly berı 190 oquşy zardap şekkenın habarlady. Onyŋ aituynşa, oquşylardyŋ bır bölıgı tärtıpsızdıkter men pirotehnikalyq qūraldardy qoldanu saldarynan jaraqat alǧan. Osy uaqytqa deiın elde aksiialarǧa qatysqan jüzdegen adam ūstalǧan.
Sol künı Fransiiadaǧy 24 bılım beru mekemesınıŋ narazylyqtar kezınde örtengenı nemese tonalǧany belgılı boldy. Qauıpsızdıktı qamtamasyz etu mümkın bolmaǧandyqtan, 400-den 500-ge deiıngı lisei oqu prosesın tolyq nemese ışınara toqtatu turaly şeşım qabyldaǧan.
