Bügın Jezqazǧan jäne Sätbaev qalalarynda jaŋa tūrǧyn üilerdıŋ ırgetasyn qalau räsımı öttı. Atalǧan nysandardyŋ qūrylysyn «QazaqStroy» kompaniiasy jüzege asyrady.
Jaŋa tūrǧyn üi keşenderı qalalardyŋ qoldanystaǧy infraqūrylymymen üilesımdı yqpaldastyrylyp, ırgeles aumaqtar keşendı türde abattandyrylady.
Jezqazǧan qalasynda jalpy 240 päterge arnalǧan bes qabatty jetı tūrǧyn üi salynady. Onyŋ beseuı ekı kıreberıstı, ekeuı bır kıreberıstı bolady. Barlyq üiler jertöle bölmelerımen jabdyqtalady.
Sätbaev qalasynda 60 päterlı bes qabatty tūrǧyn üi boi köteredı. Joba aiasynda aula aumaǧyn abattandyru, balalarǧa arnalǧan oiyn jäne sport alaŋdaryn, avtotūraqtar men demalys oryndaryn, sondai-aq kögaldandyrylǧan aumaqtardy ūiymdastyru közdelgen.
Tūrǧyn üilerdı jobalau barysynda qauıpsızdık talaptaryna, energiia tiımdılıgıne jäne tūrǧyndar üşın qolaily jaǧdai jasauǧa erekşe män berıldı.
Jaŋa nysandardy paidalanuǧa beru 2027 jylǧa josparlanǧan.
