Mäjılıs deputaty Baqytjan Bazarbek Älihan Smaiylovqa joldaǧan deputattyq saualynda tektonikalyq būzylystary bar jerlerden jer telımderın beruge, zaŋnamalyq deŋgeide ol jerde qūrylys saluǧa tyiym salu kerek ekenın aitty, dep habarlaidy “Adyrna” ūlttyq portaly.
«Jer qatynastary men mäselelerı boiynşa maman jäne zaŋger retınde tektonikalyq būzylystary bar aimaqtarda, sondai-aq sel jäne köşkın qaupı bar aimaqtarda jer telımderın beruge zaŋnamalyq tyiym saludy jedel engızu qajet dep sanaimyn. Tektonikalyq būzylystary bar aimaqtarǧa qūrylys saluǧa şikızat pen rūqsat beruge tyiym saludy engızıŋız», - dedı ol.
Onyŋ pıkırınşe, mäslihattar men äkımdıkterge «Qala aumaǧyn damytu qaǧidalaryn äzırleu jäne bekıtu jönındegı qosymşa qūzyret» türındegı erekşe märtebe beru kerek. Sondai-aq jobalyq-smetalyq qūjattamany memlekettık saraptau satysynda dırıl synamalaryn paidalana otyryp, salynyp jatqan nysannyŋ mındettı seismikalyq auditın jäne obektını paidalanuǧa
Sonymen qatar tau etegıne köpqabatty üiler saluǧa tyiym salynyp, äkımdıkte erejelerdı bekıtuge arnaiy ökılettıkter berıluı kerek ekenın de atap öttı.
«Tötenşe jaǧdailar salasyndaǧy uäkılettı organdarmen, seismikalyq qyzmettermen jäne ǧylymi instituttarmen (QazQSǦZİ) jer uchaskelerın, jerge ornalastyru jobalaryn, jobalyq-smetalyq qūjattamanyŋ memlekettık saraptamasy jäne qala qūrylysy saraptamasynyŋ materialdaryn beru boiynşa materialdardy kelısu täjıribesın engızu. Almaty qalasynyŋ tauly aimaqtarynda köpqabatty, tıptı ekı qabattan da joǧary tūrǧyn üi keşenderın saluǧa tyiym salu engızılsın», - dedı deputat ūsynystaryn naqtylap.
Sondai-aq ol Qazaqstanda jer sılkınısınıŋ joiqyn zardaptaryn boldyrmau jäne keltırılgen zalaldy qalpyna keltıru boiynşa zaŋnamalyq deŋgeide bırqatar şeşımın tappaǧan mäseleler bar ekenın de aita kettı.
“Adyrna” ūlttyq portaly
